कुही तालुक्यातील खैरलांजी गावात ही घटना घडली आहे. ही हत्या नियोजनपूर्वक करण्यात आली. आरोपीने मृत अमोल मेश्रामला गुरुवारी मध्यरात्री मद्य पाजले. अमोल मद्याच्या धुंदीत असतानाच धारदार काचेच्या सहाय्याने त्याच्या मानेवर आणि छातीवर वार करण्यात आले. पोलिसांच्या मते, आरोपी सूरज पाटीलचे अमोलच्या छोट्या बहिणीवर एकतर्फी प्रेम होते. आरोपीने मुलीच्या घरच्यांना लग्नासाठी मागणी केली होती. परंतु, मेश्राम कुटुंबीयांनी ही मागणी नाकारली. तिचे लग्न मे 2018 मध्ये महाराष्ट्राबाहेर करण्यात आले.आरोपी या घटनेने संतप्त झाला होता. गेल्या काही दिवसांत सुरजने नियोजनपूर्वक अमोल सोबत मैत्री वाढविली होती. त्याला मद्यप्राशन करायला घेऊन जाऊन मद्यधुंद करून ही हत्या केली. वेलतूर पोलिसांनी आरोपीला अटक केली आहे. आरोपीने गुन्हा कबूल केला आहे
