मुंबई,दि.03 : राज्य सरकारी कर्मचारी आणि अधिकारी विविध मागण्यांसाठी ७, ८ व ९ आॅगस्ट रोजी संपावर जाणार आहेत.कर्मचा-यांच्या विविध संघटनांनी आधीच हा निर्णय घेतला असून राजपत्रित अधिका-यांच्या ७२ संघटनांच्या महासंघाने गुरुवारी झालेल्या बैठकीत त्यावर शिक्कामोर्तब केले. सातवा वेतन आयोग तातडीने द्यावा, पाच दिवसांचा आठवडा करावा, निवृत्तीचे वय किमान ६० वर्षे करावे, बालसंगोपन रजा किमान दोन वर्षांची असावी आदी मागण्यांसाठी हा संप राहणार आहे.
