एलुरुच्या अक्कीरेड्डीगुडेम येथील रासायनिक कारखान्याला लागलेल्या आगीत सहा जणांचा मृत्यू झाला. 11 जखमी झाले. रात्री उशिरा गॅस गळतीमुळे हा अपघात झाला. एलुरूचे एसपी राहुल देव शर्मा यांनी दिलेल्या माहितीनुसार, नायट्रिक अ‍ॅसिड आणि मोनोमिथाइलच्या गळतीमुळे ही आग लागली.
आंध्र प्रदेशचे मुख्यमंत्री वायएस जगन मोहन रेड्डी यांनी मृतांच्या नातेवाईकांना 25 लाख रुपये, गंभीर जखमींना 5 लाख रुपये आणि किरकोळ जखमींना 2 लाख रुपयांची भरपाई जाहीर केली आहे.
हॉस्पिटलच्या वाटेवर गेला जीव
ही घटना पोरस कारखान्यात घडली. हा कारखाना मसुनूर जिल्ह्यात आहे. युनिट क्रमांक 4 मध्ये गॅस गळती होऊन संपूर्ण इमारतीत पसरली. या अपघातात 5 मजुरांचा जागीच मृत्यू झाला. तर रुग्णालयात नेत असताना एकाचा मृत्यू झाला.
जखमींना चांगल्या उपचारासाठी विजयवाडा आणि नुजीडू येथे रेफर करण्यात आले आहे. काहींची प्रकृती चिंताजनक असल्याचे अधिकाऱ्यांचे म्हणणे आहे. आगीची माहिती मिळताच अग्निशमन दल आणि एनडीआरएफच्या पथकाने आगीवर नियंत्रण मिळवण्याचे प्रयत्न सुरू केले.
फार्मा फॅक्टरी रसायनांचा वापर करून बनवते औषध
मृत्युमुखी पडलेल्यांमध्ये 4 मजूर बिहारमधील आहेत. तर उर्वरित दोघांची नावे कृष्णा केमिस्ट आणि ऑपरेटर किरण अशी आहेत. उर्वरित ब्लॉकमध्ये मजुरांच्या उपस्थितीचाही पोलिस तपास करत आहेत. पोरस फॅक्टरी ही एक फार्मा फॅक्टरी आहे, जिथे नायट्रिक अ‍ॅसिड मोनो मिथाइल आणि सल्फ्यूरिक अ‍ॅसिड वापरले जाते.
गुजरातमध्येही अशीच घटना घडली होती
नुकतीच गुजरातमधील भरुचमध्ये एका रासायनिक कारखान्यात अशीच एक घटना घडली होती, ज्यात 6 मजूर जिवंत जाळले होते. दहेजच्या ओम ऑरगॅनिक कंपनीत गाळ काढण्याची प्रक्रिया सुरू होती. ज्यामध्ये रिअ‍ॅक्टरमध्ये स्फोट झाल्यानंतर आग लागल्यामुळे कामगारांचा मृत्यू झाला.
