नवी दिल्ली-राष्ट्रीय स्वयंसेवक संघाचे नेते (RSS) इंद्रेश कुमार यांनी शनिवारी हजर निजामुद्दीन दर्ग्याला भेट दिली. त्यांनी दर्ग्यावर चादर चढवून मातीचे दिवे लावले. यावेळी ते म्हणाले – निजामुद्दीन दर्ग्यात मातीचे दिवे पेटवणे शांतता, समृद्धी व जातीय सलोख्याचा संदेश जातो. इंद्रेश कुमार RSS च्या राष्ट्रीय मुस्लीम मंचाचे संरक्षक आहेत.
इंद्रेश कुमार म्हणाले – कुणालाही धर्मांतर व हिंसाचार करण्यासाठी मजबूर करू नये. सर्वांनी आपापल्या जाती धर्माचे पालन करावे. दुसऱ्या धर्माचा अवमान किंवा टिका करू नये. देशात सर्वच धर्मांचा सन्मान होईल, तेव्हा आपसूकच देश शुक्रवारला पत्थरवार करणाऱ्या कट्टरपंथीयांपासून मुक्त होईल.
प्रत्येक सण शांतता व सद्भावनेची शिकवण देतो -इंद्रेश कुमार
इंद्रेश कुमार म्हणाले – दीपावलीचा सण संपूर्ण जगभर साजरा केला जातो. यातून मतभेद मिटवण्यास मदत करते. भारत तीर्थक्षेत्रांची, उत्सवांची व मेळ्यांची भूमी आहे. सर्वच सणवार गरिबांना रोजीरोटी देतात. यामुळे आपसातील बंधुभाव वाढतो. ते पुढे म्हणाले की, प्रत्येक सण आपल्याला कट्टरता, द्वेष, दंगल किंवा युद्ध नको असल्याची शिकवण देतो. आम्हाला शांतता, सद्भावना व बंधुत्व हवे आहे.
इमाम संघटनेचे प्रमुखांनी सरसंघचालकांना राष्ट्रपती म्हणाले होते
यापूर्वी इंद्रेश गत सप्टेंबर महिन्यात सरसंघचालक मोहन भागवत यांच्यासोबत अखिल भारतीय इमाम संघटनेचे प्रमुख इमाम डॉक्टर उमर अहमद इलियासी यांची भेट घेतली होती. त्यावेळी उमर यांनी सरसंघचालकांचा उल्लेख राष्ट्रपती म्हणून केला होता.
काय आहे RSS चा मुस्लिम राष्ट्रीय मंच
मुस्लिम राष्ट्रीय मंच राष्ट्रवादी मुस्लिमांची संघटना आहे. ही संघटना राष्ट्रीय स्वयंसेवक संघाच्या विचारधारेशी संबंधित आहे. त्याची स्थापना 2002 मध्ये झाली. मंचाचे राष्ट्रीय संयोजक मुहम्मद अफजल व मार्गदर्शक इंद्रेश कुमार आहेत.
