Home Top News मोदी सरकारच्या 9 वर्षांवर काँग्रेसचे 9 प्रश्न, राष्ट्रीय सुरक्षा, कमकुवत लोकशाहीचा मुद्दा;...

मोदी सरकारच्या 9 वर्षांवर काँग्रेसचे 9 प्रश्न, राष्ट्रीय सुरक्षा, कमकुवत लोकशाहीचा मुद्दा; जयराम रमेश

0

नवी दिल्ली-काँग्रेस नेते जयराम रमेश यांनी मोदी सरकारला 9 वर्षे पूर्ण झाल्याबद्दल म्हटले की, काँग्रेस पक्षाला पंतप्रधान नरेंद्र मोदींना 9 प्रश्न विचारायचे आहेत. आम्ही या ‘9 वर्षे 9 प्रश्नां’साठी एक पत्रक जारी करत आहोत. रमेश यांनी शुक्रवारी दिल्लीतील पक्षाच्या मुख्यालयात सांगितले की, भारत जोडो यात्रेदरम्यान राहुल गांधींनी हे 9 प्रश्न अनेकदा उपस्थित केले. मात्र, आजपर्यंत कोणतेही उत्तर आलेले नाही. आता पंतप्रधानांवर मौन सोडण्याची वेळ आली आहे.

 

हे 9 प्रश्न काँग्रेसने पंतप्रधानांना विचारले….

1. अर्थव्यवस्था
भारतात महागाई आणि बेरोजगारी का गगनाला भिडत आहे? श्रीमंत अधिक श्रीमंत आणि गरीब अधिक गरीब का झाले आहेत? आर्थिक विषमता वाढूनही सार्वजनिक मालमत्ता पीएम मोदींच्या मित्रांना का विकली जात आहे?

2. शेती आणि शेतकरी
तीन काळे कृषी कायदे रद्द करताना शेतकऱ्यांशी केलेल्या करारांचा आदर का केला गेला नाही? एमएसपीची कायदेशीर हमी का दिली नाही? गेल्या 9 वर्षांत शेतकऱ्यांचे उत्पन्न दुप्पट का झाले नाही?

3. भ्रष्टाचार आणि घराणेशाही
तुमचा मित्र अदानी याच्या फायद्यासाठी तुम्ही एलआयसी आणि एसबीआयमधील लोकांची कमाई का धोक्यात घालत आहात? चोरांना का पळून जाऊ देत आहात? भाजपशासित राज्यांमध्ये मोठ्या प्रमाणावर भ्रष्टाचार होत असताना तुम्ही गप्प का आहात?

4. चीन आणि राष्ट्रीय सुरक्षा
पंतप्रधानांनी 2020 मध्ये चीनला क्लीन चिट देऊनही चीन भारताच्या भूमीवर का बसला आहे? चीनसोबत 18 बैठका झाल्या, तरीही त्यांनी भारतीय भूभाग सोडण्यास नकार का दिला?

5. सामाजिक समरसता
निवडणुकीच्या फायद्यासाठी जाणीवपूर्वक फुटीरतावादी राजकारणाला खतपाणी घालत समाजात भीतीचे वातावरण का निर्माण केले जात आहे?

6. सामाजिक न्याय
तुमचे जुलमी सरकार सामाजिक न्यायाचा पाया पद्धतशीरपणे का नष्ट करत आहे? महिला, दलित, एससी, एसटी, ओबीसी आणि अल्पसंख्याकांवर होणाऱ्या अत्याचारावर तुम्ही गप्प का आहात? जातीनिहाय जनगणनेच्या मागणीकडे दुर्लक्ष का करत आहात?

7. लोकशाही आणि संघराज्य
गेल्या नऊ वर्षांत तुम्ही आमची घटनात्मक मूल्ये आणि लोकशाही संस्था का ढासळल्या? विरोधी पक्ष आणि नेत्यांसोबत सूडाचे राजकारण का करताय? जनतेने निवडून दिलेली सरकारे पाडण्यासाठी तुम्ही खुलेआम पैशाच्या ताकदीचा वापर का करत आहात?

8. लोककल्याणकारी योजना
अर्थसंकल्पात कपात करून मनरेगासारख्या लोककल्याणकारी योजना कमकुवत का झाल्या? गरीब, आदिवासी, गरजूंच्या स्वप्नांचा चुराडा का होत आहे?

9. कोरोना गैरव्यवस्थापन
कोरोनामुळे 40 लाखांहून अधिक लोकांचा मृत्यू होऊनही मोदी सरकारने त्यांच्या कुटुंबीयांना नुकसान भरपाई देण्यास नकार का दिला? तुम्ही अचानक लॉकडाऊन का लादला, ज्यामुळे लाखो कामगारांना त्यांना कोणतीही मदत मिळता घरी परतावे लागले?

error: Content is protected !!
Exit mobile version