तिरोडा :- जागतिक हिंदी दिनाच्या शुभ मुहूर्तावर जागतिक हिंदी दिनाच्या शुभ मुहूर्तावर प्रान्ति इंडिया अँड कंपनी या संस्थेच्या वतीने 10 जानेवारी 2025 रोजी वाराणसी येथे आयोजीत वार्षिक महोत्सव 2025 चा भव्य कार्यक्रमात तिरोडा येथील मराठी, हिंदी व पोवारी बोली चे सुप्रसिध्द कवी व गझलकार (साहित्यिक) अँड. देवेंद्र घनश्याम चौधरी यांना सन्मानित करण्यात येणार आहे.
जागतिक हिंदी दिनाच्या शुभ मुहूर्तावर “प्रान्ति इंडिया अँड कंपनी” या संस्थेच्या वतीने 10 जानेवारी 2025 रोजी वाराणसी येथे वार्षिक महोत्सव 2025 चा आयोजन करण्यात आला आहे. सदर कार्यक्रमात भारत देशातील 111 साहित्यिकांना “प्रांती भारत साहित्य सन्मान 2025” ने सन्मानित करण्यात येणार आहे. विशेष म्हणजे या वार्षिक महोत्सवात अतिरिक्त ५१ साहित्यिकांना ‘प्रान्ति इंडिया अवॉर्ड’ स्वरूपात चांदीचे नाणेही दिले जाणार आहे. हिंदी साहित्य आणि राष्ट्रभाषा हिंदीच्या संवर्धनासाठी केलेल्या कार्य आणि सेवेची भावना लक्षात घेऊन त्यांना “प्रान्ति भारत साहित्य सन्मान 2025” वाराणसी येथील मैदागीन येथील पराडकर स्मृती भवन येथे सकाळी १० वाजता सन्मानित करण्यात येणार आहे.
हे विशेष की, कवी अँड. देवेंद्र चौधरी यांना आजपर्यंत त्यांच्या साहित्य क्षेत्रातील योगदानाबद्दल अनेक आंतरराष्ट्रीय, राष्ट्रीय स्तरावर, राज्यस्तरावर अनेकदा पुरस्काराने व सन्मानाने सन्मानित करण्यात आले आहे. मागील वर्षी नेपाळ देशामध्ये आयोजित विश्व प्रतिभा आंतरराष्ट्रीय सन्मान समारोह मध्ये सन्मानीत करण्यात आले आहे. कवी अँड. देवेंद्र चौधरी यांनी मध्यप्रदेश मधील पांढुरना येथील अखिल भारतीय तिसरे पोवारी साहित्य संमेलनाचे अध्यक्षपद देखील भूषविले असून सदर सन्मान हा त्यांच्या साहित्याच्या कारकीर्दीत भर टाकणारा आहे. त्यांच्या मिळालेल्या सन्मानाबद्दल वकील संघ, तिरोडा, जिल्ह्यातील पोवार समाज बांधव व मित्र परिवाराने त्यांचे कौतुक केले आहे.
