गोंदिया,दि.०९: : लोकसभा सार्वत्रिक निवडणूक-२०१९ मतदान जनजागृती अभियान अंतर्गत भंडारा-गोंदिया लोकसभा मतदारसंघाची निवडणूक ११ एप्रिल २०१९ रोजी होणार आहे. यामध्ये अधिकाधिक मतदारांनी आपला मतदानाचा हक्क बजावावा यासाठी मोठ्या प्रमाणात जनजागृती करण्यात येत आहे. मतदानाची टक्केवारी वाढावी यासाठी भारत निवडणूक आयोगाने मतदान प्रक्रिया जागृती, मतदार प्रचार व प्रसार करण्याकरीता जिल्ह्यातील मतदारांमध्ये मतदानाविषयी जनजागृती करण्यासाठी मतदानाचा हक्क असणाऱ्या कुटूंबातील सर्व सदस्य, शेजारी आणि मित्रांना मतदान करण्यास प्रोत्साहित करण्यासाठी जिल्हाधिकारी तथा जिल्हा निवडणूक अधिकारी डॉ.कादंबरी बलकवडे आणि आदर्श आचारसंहितेचे नोडल अधिकारी डॉ.राजा दयानिधी यांनी जिल्ह्यातील १४५७ शाळेमध्ये शिक्षण घेणाऱ्या विद्यार्थ्यांमार्फत १ एप्रिल २०१९ रोजी ‘संकल्प पत्रङ्क हा उपक्रम राबविला.
संकल्प पत्राचे शाळा स्तरावर विद्यार्थ्यांमार्फत सामुहिक वाचन करुन त्यांच्या पालकांपर्यंत पोहविण्यात आले. त्यांच्या पालकांद्वारे कुटूंबातील सर्व मतदान हक्क असलेल्या सदस्य, शेजारी व मित्रांकडून प्रत्यक्ष संकल्प पत्र भरवून मतदानाच्या दिवशी म्हणजे ११ एप्रिल रोजी आम्ही सर्व शत प्रतिशत मतदान करु असा संकल्प सगळ्या मतदात्यांनी घेतला. हे संकल्प पत्र जिल्ह्यातील आठही तालुक्यात पुढीलप्रमाणे भरवून घेण्यात आले.
तालुका शाळा संख्या वितरीत केलेलेसंकल्प पत्र संख्या विद्यार्थ्यांनी संकल्प पत्र भरवून घेतलेल्या मतदारांची संख्या
अर्जुनी/मोरगाव २११ ९३०७ १३२२१
आमगाव १५४ २१२२५ २२०५८
देवरी २०८ १५०९० २०६९१
गोंदिया २५९ २८०४५ ३०२३३
गोरेगाव १३२ ८९३४ २१३१०
सडक/अर्जुनी १७० १७१०९ १७५१३
सालेकसा १५० ११३४३ ११६०४
तिरोडा १७३ १७१४८ ४१३२४
एकूण १४५७ १२८२०१ १७७९५४
वरील तक्त्यानुसार १४५७ शाळेमधील १२८२०१ विद्यार्थ्यांमार्फत १७७९५४ पालक, शेजारी व मित्रांद्वारे त्यांचे स्वाक्षरीसह संकल्प पत्र भरवून मतदान जनजागृती जिल्ह्यात करण्यात आली.
