मुंबई,दि.08(प्रतिनिधी) प्रधानमंत्री नरेंद्र मोदी यांच्यावर आधारीत प्रबोधनपर गित गाणार्या विशाल गजीपुरी व सपना बौद्ध यांना मोदीभक्तांकडून जिवंत मारण्याचा धमक्या देण्यात येत असल्याने त्या दोन्ही गायकांना संरक्षण देण्यात यावे अशी मागणी आरपीआय डेमोक्रॅटिक पक्ष व पँथर ऑफ सम्यक योद्धा संघटनेकडूनकडून करण्यात आली आहे.
राष्ट्रपती यांना पाठविलेल्या निवेदनात उत्तर प्रदेश गाजीपुर मध्ये राहणाऱ्या विशाल गाजीपूर व सपना बौद्ध यांनी “आया देश विक्रेता” हे गाणं गायल्यामुळे मोदीभक्तांकडून या गायकांना जीवे मारण्याची धमकी मिळत असून संबंधित पोलीस ठाणेत तक्रार पण दिली आहे.त्या तक्रारीहून भारतीय दंडसंहिता व एस.सी, एस.टी कायद्याप्रमाणे 506,507,435 कलमानव्ये गुन्हा नोंद करण्यात आले तरीही त्यांचा स्टुडिओ अंधभक्तांकडून जाळण्यात आला आहे.गायक गायिका सध्या त्यांच्या राहत्या घरी नसून त्यांनी भीतीपोटी घर सोडले आहे.त्यांच्या जीविताला धोका आहे, उत्तर प्रदेश सरकारने हे प्रकरण गांभीर्याने घेऊन सदर कुटुंबास पोलीस संरक्षण द्यावे अन्यथा रिपब्लिकन पार्टी ऑफ इंडिया डेमोक्रॅटिक राष्ट्रीय युवाध्यक्ष कनिष्क कांबळे व पँथर ऑफ सम्यक योद्धा संस्थापक अध्यक्ष पूज्य बौद्ध भिक्षूं शिलबोधी यांच्या नेतृत्वाखाली उत्तर प्रदेश मुख्यमंत्री योगी आदित्यनाथ यांच्या निवास स्थानासमोर आंदोलन करण्यात येईल असा इशाराही पँथर डॉ. राजन माक्निकर यांनी दिला आहे. निवेदनावर विरेंद्र लगाडे, पँथर श्रावण गायकवाड, राजेश पिल्ले, निरंजन दलाल, स्वप्नील गायकवाड, भाई शिवा राठोड, सचिन भूटकर, हिरामण साळवी, ऍड. नितीन माने, वसंत लांमतुरे आदी पदाधिकाऱ्यांची नावे व स्वाक्षऱ्या आहेत.
