नागपूर,दि.24 : ‘सेवा पंधरवडा’ निमित्ताने सामाजिक न्याय विभाग व बार्टी च्या वतीने विविध उपक्रमांचे आयोजन करण्यात आले आहे.त्या अंतर्गत जिल्हा जात पडताळणी प्रमाणपत्र समिती नागपूरच्यावतीने 23 सप्टेंबरला अशोक कनिष्ठ महाविद्यालय उमरेड येथील 11 व 12 वी मध्ये शिकत असलेल्या विद्यार्थ्यांना जात पडताळणी प्रमाणपत्राकरीता अर्ज करण्याबाबत मार्गदर्शन करण्यात आले.यावेळी जातपडताळणीकरीता अर्ज सादर केलेल्या विद्यार्थ्यांना त्यांच्या अर्जातील त्रुट्या दूर करण्यासंदर्भात माहिती देत आक्षेपाची पुर्तता करण्यात आली.नवीन अर्ज करण्याची माहिती देण्यात आली.10 विद्यार्थ्यांना जिल्हा जात पडताळणी समितीचे उपायुक्त तथा सदस्य सुरेंद्र पवार यांच्या उपस्थितीत जातपडताळणी प्रमाणपत्राचे वितरण करण्यात आले.या कार्यक्रमाला 300 पालक विद्यार्थी,शिक्षक उपस्थित होते.आतापर्यंत सेवा पंधरवाडयानिमित्त 1200 जातपडताळणी प्रमाणपत्राचे वितरण करण्यता आले असून 100 जातप्रमाणपत्र प्रत्यक्ष महाविद्यालयात जाऊन वितरीत करण्यात आले.
