गोंदिया,दि.११ : खासदार प्रफुल पटेल यांनी गोंदिया स्थित निवासस्थानी जिल्ह्यातील नागरिक, सामाजिक संघटनांचे पदाधिकारी यांच्याशी विविध विषयांवर संवाद साधत अडीअडचणी व समस्या एैकून घेतल्या.तसेच पक्ष पदाधिकारी व कार्यकर्त्यांशी पक्ष संघटन यावर संवाद साधला. कार्यकर्त्यांकडून आलेले निवेदन स्वीकारून त्याच्या अडी – अडचणी व प्रलंबित समस्या जाणून घेत समस्यांचे निराकरण करण्याचे आश्वासन दिले. यावेळी माजी आमदार राजेंद्र जैन व पक्ष पदाधिकारी मोठ्या संख्येने उपस्थित होते.
याप्रसंगी राष्ट्रवादी काँग्रेस पक्षाच्या विचारधारेवर व नेतृत्वावर विश्वास ठेवून गोंदिया व तिरोडा तालुक्यातील अनेकांनी पक्षात प्रवेश केला. खासदार प्रफुल पटेल यांच्या हस्ते पक्षाचा दुपट्टा वापरून काँग्रेसचे बाजार समितीचे संचालक अरुण नागोजी गजभिये,रुपेश विजयकुमार नशिने,सचिन अवस्थी,सब्बू अग्रवाल,अभय अग्रवाल,प्रकाश जगतराम,रजनीताई कुंभारे सरपंच सीतेपार,दिलदार रंगारी सामाजिक कार्यकर्ते यांचा पक्षात प्रवेश करण्यात आला.गोंदिया तालुका ग्राम बनाथर येथील धनंजय गुप्ता,अशोक बरवे,दिनेश दवणे,हनस बरवे,कुमार बिसेन यांची पक्षात घर वापसी करण्यात आली.
