सडक अर्जुनी . तालुक्यातील जांभडी गावात चितळाच्या भाजीसह चार आरोपींना अटक करण्यात आली आहे. ही कारवाई ४ जून रोजी दुपारी ४ वाजता करण्यात आली. आरोपींची नावे लालचंद तिलकचंद मेश्राम, आनंद माणिकराम शेंद्रे, संतोष हरिभाऊ शेंडे, पुरणलाल दुलीचंद जगनीत सर्व रा. जांभाडी अशी आहेत.
माहितीनुसार, सडक अर्जुनी वनपरिक्षेत्रातील जांभडी सहवनक्षेत्रात जांभडी गावात चितळाच्या मांसाची भाजी तयार केली जात असल्याची माहिती मिळाली. माहितीच्या आधारे जांभडी येथील आरोपी लालचंद मेश्राम यांच्या घराची झडती घेण्यात आली. त्याच्या घरातील एका खोली जर्मनच्या गंजीत चितळाची भाजी दिसून आली. मांसाबाबत आरोपींना विचारपूस केली असता त्याने सांगितले की हे मांस चितळाचे आहे आणि त्याच्यासोबत इतर तीन आरोपींचाही समावेश आहे. त्यानंतर आरोपी आनंद शेंद्रे, संतोष शेंडे आणि पुरणलाल जगनीत यांच्या घरांची झडती घेण्यात आली. तेथे कोणत्याही प्रकारचे मांस आढळले नसले तरी त्यांनी चितळ भाजी खाल्ल्याची कबुली दिली. सर्व आरोपींना अटक करून न्यायालयात हजर करण्यात आले. न्यायालयाने चारही आरोपींना ७ जूनपर्यंत वन कोठडी सुनावली. ही कारवाई गोंदियाच्या उपवनसंरक्षकांच्या मार्गदर्शनाखाली जांभळीचे क्षेत्र सहाय्यक यू.पी. गोटाफोडे, बीट गार्ड ए.पी. नंदेश्वर, डोंगरगाव/खजरीचे बीट गार्ड टी.एम. बेलकर, चिरचडीचे एन.पी. मुंडे, समीर बनसोड आणि वन कर्मचाऱ्यांनी केली. तपास सडक अर्जुनी वन परिक्षेत्र अधिकारी मिथुन डी. तरोणे करत आहेत.
