गोंदिया,दि.७- माओवाद संपवण्यासाठी राबविण्यात येणाऱ्या मोहिमेतंर्गत मध्यप्रदेशाच्या इतिहासात पहिल्यांदाच बालाघाट पोलिसांनीमध्ये मोठे यश मिळवले आहे.आज पोलिस लाईन्स येथे आयोजित एका विशेष कार्यक्रमात कान्हा भोरमदेव विभागातील(केबी)१० माओवाद्यांनी (६ पुरुष आणि ४ महिला) मुख्यमंत्री डॉ. मोहन यादव यांच्यासमोर शस्त्रासह आत्मसमर्पण केले.यावेळी बालाघाट जिल्हा प्रभारी मंत्री राव उदय प्रताप सिंह,मध्यप्रदेश डीजीपी कैलाश मकवाना,बालाघाट पोलीस महानिरिक्षक संजय कुमार यांच्यासह इतर मान्यवर उपस्थित होते.
आत्मसमर्पण केलेल्या नक्षलवाद्यांमध्ये तीन राज्यांचा मोस्ट वॉन्टेड केबी डिव्हिजनचा नेता कबीरचाही समावेश आहे. नक्षलवादी कबीरवर ७७ लाख रुपयांचे बक्षीस होते.तिन्ही राज्यांमधील या सर्व नक्षलवाद्यांवर २ कोटी ३६ लाख रुपयांचे बक्षीस जाहीर करण्यात आले आहे.आत्मसमर्पण केलेल्या नक्षलवाद्यांमध्ये एमएमसी (मध्य प्रदेश, महाराष्ट्र आणि छत्तीसगड राज्ये) झोनच्या केबी (कान्हा भोरमदेव) विभागाचा नेता आणि ७७ लाख रुपयांचे बक्षीस असलेला कट्टर नक्षलवादी होता.आरोपींमध्ये एसझेडसीएम कबीर उर्फ सुरेंद्र आणि त्याचे नऊ साथीदार आहेत.ज्यात एसझेडसीएम राकेश उर्फ मानसिंग ओडी(बोटेकसा,जि.गढचिरोली), कबीरचा गार्ड एसीएम लालसू, समर, राकेशचा गार्ड नवीन, विक्रम, सलिता, शिल्पा, जरीना आणि जयशिला यांचा समावेश आहे.नक्षलवादी कबीर आणि राकेश यांनी AK-47, लालसू आणि शिल्पा यांनी INSAS रायफल्स, सलिता हिने SLR रायफल्स आणि नवीन, जरीना आणि जयशिला यांनी एकाच गोळीच्या शस्त्रांसह आत्मसमर्पण केले. विक्रम आणि समर यांनी शस्त्रांशिवाय आत्मसमर्पण केले.
सुरक्षा दलांच्या वाढत्या दबावामुळे नक्षलवाद्यांनी ६ डिसेंबर रोजी आत्मसमर्पण करण्याचा निर्णय घेतला.वनरक्षकांच्या मदतीने त्यांनी आत्मसमर्पणासाठी संपर्क साधला.नक्षलवाद्यांनी प्रथम मुक्की रेंजच्या खापा कोअर बीटमध्ये तैनात असलेल्या वनरक्षक गुलाब सिंग उईके यांच्याशी त्यांच्या योजनेची चर्चा केली.वनरक्षकाने हॉक फोर्सच्या गुप्तचर विभागात काम करणाऱ्या एका हवालदाराशी चर्चा केली.त्यानंतर वरिष्ठ पोलिस अधिकाऱ्यांशी संवाद साधला.६ डिसेंबर रोजी रात्री ११ वाजताच्या सुमारास वनरक्षक आणि हॉक फोर्स कॉन्स्टेबलला बालाघाट रेंज आयजी संजय सिंह यांच्या बंगल्यावर घेऊन आले.यानंतर, रात्री सर्व नक्षलवाद्यांना पोलीस लाईन्समध्ये आणण्यात आले, जिथे त्यांची चौकशी करण्यात आली.उल्लेखनीय की केबी डिव्हिजनचा नेता कबीर हा छत्तीसगड राज्यातील सुकमा जिल्ह्यातील रहिवासी आहे. कबीर हा तीन राज्यांमध्ये मोस्ट वॉन्टेड नक्षलवादी होता.
