सोनिया गांधींसोबतच्या बैठकीत उद्धव ठाकरे म्हणाले मी लढणाऱ्या बापाचा लढणारा मुलगा

मुंबई(वृत्तसंस्था),दि.26: काँग्रेसच्या हंगामी अध्यक्षा सोनिया गांधी यांनी व्हिडिओ कॉन्फरन्सिंगद्वारे काँग्रेसशासित राज्यातील 7 मुख्यमंत्र्यांशी आज संवाद साधला. या बैठकीत महाराष्ट्राचे मुख्यमंत्री उद्धव ठाकरे देखील उपस्थित होते. सोनिया गांधी यांनी आयोजित केलेल्या या बैठकीत कोरोनासह विविध विषयांवर चर्चा झाली. कोरोनाविरुद्ध लढाईची चर्चा होत असताना ममता बॅनर्जी यांनी उद्धव ठाकरेंचे खूप कौतुक केले. तुम्ही करोना संसर्गाशी खूपच चांगलेच लढत आहात, असे ममता बॅनर्जी यांनी सांगितले. ममता बॅनर्जींनी केलेल्या कौतुकाचे आभार मानत मी लढणाऱ्या बापाचा लढणारा मुलगा आहे, असे उद्धव ठाकरे यांनी सांगितले. तसेच केंद्रातील सत्ताधाऱ्यांविरोधात लढायचे की त्यांना घाबरून राह्यचे हे आधी ठरवले पाहिजे, असे मत उद्धव ठाकरे यांनी या बैठिकित विचार मांडले.सोबतच आपण कोरोनासोबत लढायला आलो असून अमेरिकेत शाळा सुरु झाल्यामुळे 97 हजार मुलांना संसर्ग झाल्याचा उल्लेख करीत विचार करुनच शैक्षणिक सत्र सुरु करण्यावर विचार करण्याची तशीच शैक्षणिक सत्र जानेवारी ते डिसेंबर या काळात घेण्यावर आणि मेळघाटातून रेल्वेरस्ता नेण्यावरही त्यांनी विचार मांडले. सोनिया गांधीनी आयोजित केलेल्या या बैठकित जीएसटी, जेईई-नीट परीक्षा, देशाची आणि राज्यांची आर्थिक स्थितीसह लॉकडाऊनच्या मुद्द्यांवरही चर्चा केली. ममता बॅनर्जींनी इंजिनिअरिंग आणि मेडिकल अभ्यासक्रमासाठी केल्या जाणारी संयुक्त प्रवेश परीक्षा आणि राष्ट्रीय पात्रता सह प्रवेश परीक्षा स्थगित करण्याची मागणी केली आहे. तसेच जीएसटीच्या मुद्द्यावर केंद्रसरकार दुटप्पी भूमिका घेत आहे. केंद्र सरकार केवळ त्यांच्याच  पक्षाची सत्ता असलेल्या पक्षांना मदत करत असून इतर राज्यांना ठेंगा दाखवत असल्याचा आरोप हेमंत सोरेन यांनी केला.सोनिया गांधी यांनी विरोधी पक्षांना एकत्र आणण्याचे काम सुरु केले आहे. सोनिया गांधी यांच्या उपस्थितीत काँग्रेसशासित 7 राज्यांच्या मुख्यमंत्र्यांची बैठक झाली. यात काँग्रेसचे 4 तर इतर पक्षांचे 3 मुख्यमंत्री सहभागी झाले होते. यामध्ये महाराष्ट्राचे मुख्यमंत्री उद्धव ठाकरे यांच्यासह  तृणमूल काँग्रेसच्या अध्यक्षा आणि पश्चिम बंगालच्या मुख्यमंत्री ममता बॅनर्जी, पंजाबचे मुख्यमंत्री कॅप्टन अमरिंदर सिंह, राजस्थानचे मुख्यमंत्री अशोक गहलोत, झारखंडचे मुख्यमंत्री हेमंत सोरेन, पुदुच्चेरीचे मुख्यमंत्री व्ही. नारायणस्वामी, छत्तीसगडचे मुख्यमंत्री भूपेश बघेलही उपस्थित होते.