*प्रेमप्रकरणातुन करण्यात आली हत्या*
*प्रकरणातील संशयीत सह आरोपी ताब्यात, मुख्य सुञधार फरार*
देसाईगंज-
शहरापासून तीन किलोमीटर अंतरावर असलेल्या वैनगंगा नदी लगत बंद अवस्थेत असलेल्या गौरव पेपरमिल पाणी पुरवठा योजनेच्या ट्युबवेल मध्ये २२ वर्षीय तरुणीचे प्रेत तरंगताना आढळून आल्याने परिसरात एकच खळबळ माजली आहे.
दरम्यान सदर तरुणीची प्रेमप्रकरणातुन हत्या करण्याच्या उद्देशाने कमरेला दगड बांधून पाणी पुरवठा योजनेच्या ट्युबवेल मध्ये फेकून दिल्याने कमरेपासून खालचा भाग तरंगताना आढळून आला आहे तर कमरेपासून डोक्यापर्यंतचा भाग अद्यापही पाण्याखालीच असुन ट्युबवेल मध्ये भरपूर पाणी असल्याने प्रेत बाहेर काढण्यात आले नाही.माञ या प्रकरणाशी संबंधित संशयित आरोपिस देसाईगंज पोलिसांनी ताब्यात घेतले असुन या प्रकरणातील मुख्य आरोपी देसाईगंज शहराच्या हनुमान वार्डातील रहिवासी असलेला संदिप पटले (२५) फरार होण्यात यशस्वी झाल्याचे सांगितले जात आहे.
मिळालेल्या माहितीनुसार देसाईगंज शहराच्या हनुमान वार्डातील रहिवासी असलेल्या संदिप पटलेचे कुरखेडा तालुक्यातील ब्रम्हपुरी येथे शिक्षण घेत असलेल्या एका युवतीशी प्रेम जुळले.
होते.दरम्यान दोघांच्याही भेटीगाठी सुरु असता सदर मयत मुलिने पटलेकडे लग्नासाठी तगादा लावला होता.पटले हा गुन्हेगारी पार्श्वभूमीचा असल्याने त्याने आपल्या मार्गातील अडसर दुर करण्याच्या उद्देशानेच सदर तरुणीच्या कमरेला दगड बांधून पाणी पुरवठा योजनेच्या ट्युबवेल मध्ये फेकून दिल्याने पाण्यामुळे गुदमरून मृत्यू झाला असल्याचे सांगण्यात येत आहे.
या संदर्भात आज (७) जुलै रोजी दुपारी साडे बारा वाजताच्या सुमारास संबंधित प्रकरणाशी संशयित आरोपी यास ताब्यात घेऊन बोलते केले असता त्याने घडलेला घटनाक्रम सांगुन घटनास्थळ दाखवले.माहितीच्या अनुषंगाने तपास करण्यात आले असता ट्युबवेल मध्ये तरुणीचे प्रेत तरंगताना आढळून आल्याने त्यांनी लगेच याबाबत ब्रम्हपुरी पोलिसांना माहिती दिली.ब्रम्हपुरी पोलिसांनी हे प्रकरण देसाईगंज येथील युवकाशी संबंधित असल्याने देसाईगंज पोलिसांना माहिती दिली असता सदर धक्कादायक घटना उघडकिस आली.यावरू ब्रम्हपुरी पोलिस फरार आरोपिचा कसून शोध घेत आहेत.
*जुलै २०२१ पासून तरुणी होती बेपत्ता*
पटले याचे ब्रम्हपुरी तालुक्यातील मयत युवतीशी सुरु असलेल्या प्रेमप्रकरणामुळेच सदर तरुणी २०२१ मध्ये बेपत्ता असल्याची तक्रार घरच्यांनी ब्रम्हपुरी पोलिसांत दिली होती. त्यावरून पोलिसांनी शोध घेण्याचा प्रयत्न केला असता लोकेशन देसाईगंज टाॅवर दाखवित असल्याने ब्रम्हपुरी पोलिसांनी तपास देसाईगंज पोलिसांकडे सोपविला होता.
*संदिप पटले या आधीही एका खुन प्रकरणातील आरोपी*
शहराच्या हनुमान वार्डातील रहिवासी असलेला संदिप पटले याने प्रेमप्रकरणातुन २०१९ मध्ये येथीलच एका तरुणीच्या वडिलाचा खून करून दिवालीवरून उडी घेऊन मी तो नव्हेचच्या अहिर्भावात वावरत असता देसाईगंज पोलिसांनी श्वान पथकाच्या मदतीने व दरवाज्यात आढळून आलेल्या चपलावरून ओळख पटवून गजाआड केले होते.सदर आरोपीवर याआधीच देसाईगंज पोलिसांत ३०२ कलमा अंतग॔त गुन्हा दाखल असुन या प्रकरणातील तो मुख्य सुञधार असुन फरार होण्यात यशस्वी झाल्याचे सांगितले जात आहे.
