अर्जुनी-मोरगाव : तालुक्यातील निमगाव येथे राहणाऱ्या अनुरथा दिलीप मेश्राम यांच्या घरी अज्ञात आरोपींनी घरफोडी-चोरी करून 1 लॅपटॉप व 2 मोबाईल असा एकूण 30 हजार रुपये किंमतीचा मुद्देमाल चोरून नेला. याबाबतची तक्रार 30 ऑगस्ट 2022 रोजी दुपारी 12 वाजता अर्जुनी-मोरगाव पोलीस ठाण्याला प्राप्त झाली. अवघ्या 8 तासांत घरफोडी-चोरी करणाऱ्या 2 आरोपींना अर्जुनी-मोरगाव पोलिसांनी अटक केली.
सविस्तर वृत्त असे की, अर्जुनी-मोरगाव पोलीस ठाण्यात सदर घरफोडीची तक्रार मिळताच ठाणेदार सोमनाथ कदम यांनी तात्काळ गुन्हा रजि. नं. 207/2022 IPC 454, 457, 380, 34 प्रमाणे दाखल करून तपास पथक रवाना केले.
गोपनीय बातमीदार व तांत्रिक माहितीच्या आधारे अवघ्या 8 तासांमध्ये दोन आरोपी 1. महेंद्र सुखदेव खोब्रागडे, 2. राकेश सुभाष भानारे यांना अटक करण्यात आली. अटक आरोपींना न्यायालयापुढे हजर केले असता आरोपींना 03 सप्टेंबर 2022 पर्यंत पोलीस कस्टडी रिमांड देण्यात आलेला आहे.
अटक आरोपींची कसून चौकशी केली असता त्यांनी गुन्हा केल्याचे कबूल केले असून आरोपींनी चोरी केलेला 1 लॅपटॉप व 2 मोबाईल त्यांच्याकडून जप्त करण्यात आलेले आहेत.या गुन्ह्याचा तपास पोलीस अधीक्षक गोंदिया विश्व पानसरे व उपविभागीय पोलिस अधिकारी विजय भिसे यांच्या मार्गदर्शनाखाली ठाणेदार सोमनाथ कदम, सपोनि संभाजी तागड, परि. पोउपनि. संतोष गुट्टे, पोहवा आनंदराव इस्कापे ब.न.488, पोना. महेंद्र पुण्यप्रेडिवार ब.न.227, पोना. रमेश सेलोकर ब.न191, पोना.प्रवीण बेहरे ब.न.316, पोना. राहुल चिचमलकर ब.न.1756, पोशि.श्रीकांत मेश्राम ब.न.1896, पोशि. गौरीशंकर कोरे ब.न.1642, पोशि. रामलाल राऊत ब.न.1910, पो.ना. विजय कोठांगले ब.नं. 1394, सायबर सेल गोंदियाचे पोलीस नाईक दीक्षित दमाहे यांनी केलेला आहे.
