गोंदिया,दि.12ः गोंदिया एज्युकेशन सोसायटीच्या धोटे बंधू सायन्स कॉलेज गोंदिया येथे लिंग संवेदना कार्यशाळेचे आयोजन पोस्ट ग्रॅज्युएट विद्यार्थ्यांसाठी आपले आयसीसी जाणून घ्या या विषयावर धोटे बंधू सायन्स कॉलेज गोंदियाच्या महिला कक्षातर्फे प्राचार्य डॉ. अंजन नायडू यांच्या मार्गदर्शनाखाली लिंग संवेदना कार्यशाळेचे यशस्वी आयोजन करण्यात आले.या कार्यशाळेत नव्याने दाखल झालेल्या पदांमध्ये लैंगिक छळाच्या विरोधात अंतर्गत तक्रार समितीच्या कार्यांबाबत जागरूकता निर्माण करण्याच्या उद्देश पटवून देण्यात आला.तसेच पदवीधर विद्यार्थ्यांकरीता नो युवर आयसीसी आयोजित करण्यात आली होती. संस्थेच्या पदव्युत्तर विभागांनी पदव्युत्तर विद्यार्थ्यांसाठी आयोजित केलेल्या इग्निशन कार्यक्रमातंर्गत ही कार्यशाळा घेण्यात आली.तक्रार समितीच्या पीठासीन अधिकारी शीतल जुनेजा बॅनर्जी, आयसीसीचे सदस्य डॉ. शुभांगी नरडे, डॉ. सोनल वर्मा (सोनी), कु. योगेश्वरी सोनवणे (यूजी विद्यार्थी प्रतिनिधी), कु. अंजली लिलवाणी (पीजी विद्यार्थी प्रतिनिधी) , कु. अश्विनी मेश्राम (संशोधक विद्यार्थी प्रतिनिधी) कु.मीना कात्रे, श्रीमती. छाया सोनवणे (शिक्षकेतर सदस्य), सौ. सविता तुरकर (एनजीओ नामांकित), डॉ. सुशील पालीवाल भौतिकशास्त्र विभागप्रमुख, डॉ. राकेश धुवरे संगणकशास्त्र विभागप्रमुख, डॉ. मनोज पटले विभागप्रमुख रसायनशास्त्र विभाग, डॉ. महेश कवळे वनस्पतीशास्त्र विभागप्रमुख, डॉ. डी.ए. चौहान पीजी मायक्रोबायोलॉजी आणि बायोटेक्नॉलॉजी विभागाचे प्रमुख डॉ.आनंद मोरे, डॉ.यादव बोपचे, प्रा.अक्ता जैन, प्रा.खुशबू पारधी, प्रा.रुबिना कुरेशी आणि सर्व विभागातील सर्व पीजी शिक्षक अधिकारी यावेळी उपस्थित होते.डॉ. एस.बी. जुनेजा बॅनर्जी या कार्यक्रमाच्या रिसोर्स पर्सन होत्या. पॉवर पॉइंट प्रेझेंटेशनद्वारे त्यांनी संस्थेतील अंतर्गत तक्रार समितीची रचना, भूमिका आणि कार्यपद्धती याविषयी माहिती दिली. विद्यार्थ्यांना तक्रार प्रक्रिया, सामंजस्य आणि चौकशी प्रक्रियेबाबत UGC मार्गदर्शक तत्त्वांवर मार्गदर्शन करण्यात आले. संस्थेने लैंगिक छळाच्या प्रकरणांविरुद्ध शून्य सहिष्णुता धोरण स्वीकारल्यामुळे विद्यार्थ्यांना सुरक्षित आणि आदर वाटावा, असे आवाहन त्यांनी केले.या कार्यक्रमाला पदव्युत्तर कार्यक्रमासाठी मोठ्या संख्येने नवीन प्रवेशकर्ते आणि प्राध्यापक उपस्थित होते.
