औरंगाबाद, दि.15-)डॉ.बाबासाहेब आंबेडकर मराठवाडा विद्यापीठाच्या २७ व्या नामविस्तार दिन गुरुवारी (दि.१४) विविध कार्यक्रमांनी साजरा करण्यात आला. सामाजिक न्याय विभागाचे आयुक्त डॉ.प्रशांत नारनवरे व कुलगुरु डॉ.प्रमोद येवले यांच्या प्रमुख उपस्थितीत गुणवंत विद्यार्थ्यांना सुवर्णपदक वितरित करण्यात आले.
विद्यापीठाच्या नाटयगृहात हा कार्यक्रम झाला. यावेळी प्रकुलगुरु डॉ.शाम शिरसाठ, कुलसचिव डॉ.जयश्री सूर्यवंशी, परीक्षा व मुल्यमापन मंडळाचे संचालक डॉ.योगेश पाटील यांची प्रमुख उपस्थिती होती. डॉ.बाबासाहेब आंबेडकर मराठवाडा विद्यापीठाच्यावतीने ऑक्टोबर-नोव्हेंबर महिन्यात घेण्यात आलेल्या अंतिम परीक्षेतील २७ गुणवंतांना सुवर्णपदकांचे वितरण नामविस्तार दिन कार्यक्रमात करण्यात आले. कार्यक्रमात पदवी, पदव्यूत्तर अभ्यासक्रमात प्रथम आलेल्या विद्यार्थ्यांना सुर्वणपदकांचे (गुणवत्तापदक) वितरण करण्यात आले. ऑक्टो-नोव्हेंबर २०२० मध्ये झालेल्या वार्षिक परिक्षेतील गुणवतांना २७ सुर्वणपदकांचे वितरण यावेळी करण्यात येणार आले. सुवर्णपदक विजेत्या विद्यार्थी – मारोती खरात (कुलपतींचे सुवर्णपदक, लक्ष्मीबाई जाधव सुवर्णपदक, एम.ए.मराठी), मयुरी निकम, प्रगती कोरडे (एम.ए.इंग्रजी), अनिता रायमल (बीए इंग्रजी), ऐश्वर्या टाक (बी.जे.), आरती घुगरे (बी.एस्सी), अजित वावरे (एमएस्सी रसायनशास्त्र), सुमेध चव्हाण (एम.एस्सी वनस्पतीशास्त्र), मनोहर मस्के (संख्याशास्त्र), ज्ञानेश्वर तोंडे (गणित), भैय्यासाहेब गायकवाड (संगणकशास्त्र), शिवकन्या आवाड (जिव रसायनशास्त्र), प्रतिक डाके (एमबीए), रिध्देश काथार (बीई मेकँनिकल), अक्षीता मुसांडे (बी.ई.केमिकल), स्मिता रातवाणी (बी.कॉम), अखिल फैद फादल अली (एम.कॉम), अदित्य शिंदे (एलएलएम), मेराज फातेमा (बी.एड), धनश्री वरकड (बी.एड) व रामशा इफत सय्यद कलीमोद्दीन (बी.एड) आदींचा गौरव करण्यता आला. अशी माहिती परीक्षा व मुल्यमापन मंडळाचे संचालक डॉ.योगेश पाटील यांनी दिली.
