तिरोडा,दि.२७ः तालुक्यात राष्ट्रवादी काँग्रेस पक्षामध्ये कार्यकर्त्यांचा मोठ्या प्रमाणात प्रवेश होत असून, पक्षाची ताकद दिवसेंदिवस वाढत आहे. खासदार प्रफुल पटेल यांच्या प्रभावी नेतृत्वावर व विकासात्मक विचारधारेवर विश्वास ठेवून अनेक कार्यकर्ते राष्ट्रवादी काँग्रेसमध्ये सहभागी होत आहेत.
मागील काही दिवसांपासून तालुक्यातील विविध गावांमधून कार्यकर्ते मोठ्या उत्साहात पक्षप्रवेश करत असून आज जनसंपर्क कार्यालय, पाल चौक, गोंदिया येथे माजी आमदार राजेंद्र जैन यांच्या हस्ते पक्षाचा दुपट्टा वापरून तिरोडा तालुकाक्यातील पं.स.चिखली क्षेत्रांतर्गत भिवापूर, मेंदीपूर, चिखली, खैरबोडी, खोडगाव येथील मुन्नीबाई कोहळे, गिताताई बिसेन, लता नेवारे, संजय उके, विनोद सिंग मेंदीकर, अनिल मेश्राम, रिता सूर्यवंशी, उज्ज्वल सूर्यवंशी, रवी टेभऱे, मोहन टेभऱे, अनिल रहांगडाले, हेतराम पटले, मनोहर ठोंबरे, शालिक पटले, राधेलाल हरिणखेडे, ओमप्रकाश पटले, रमेश बिसेन, अशोक नेवारे, हेमलता नेवारे, जितू पटले यांनी पक्षात प्रवेश केला. त्यामुळे राष्ट्रवादी काँग्रेस पक्ष आणखी बळकट होत आहे.
तालुक्यातील पक्षप्रवेशाच्या या लाटेमुळे कार्यकर्त्यांमध्ये नवा उत्साह निर्माण झाला आहे. राष्ट्रवादी काँग्रेस पक्ष पदाधिकारी व कार्यकर्त्यांनी सर्वांचे स्वागत करत त्यांना शुभेच्छा दिल्या. यावेळी सर्वश्री राजेंद्र जैन, प्रेमकुमार रहांगडाले, योगेंद्र भगत, जगदीश बावनथडे, केवलभाऊ बघेले, राजूभाऊ ठाकरे, डॉ संदीप मेश्राम, मुन्ना बिंझाडे, घनेश्वर तिरेले, सहित मोठ्या संख्येने पक्ष पदाधिकारी व कार्यकर्ता उपस्थित होते.
