नवी मुंबई, दि. 22 – उरणजवळ चार ते पाच शस्त्रधारी संशयितांना पाहिले असल्याचा दावा दोन शाळकरी मुलांनी केला आहे. त्यानंतर नौदलाने शोधमोहीम सुरु केली असून हाय अलर्ट जारी करण्यात आला आहे. नौदलाच्या शस्त्रसाठा भांडार आयएनएस अभिमन्यूजवळ हे संशयित दिसल्याचा दावा करण्यात आला आहे. नौदलासह लष्कर आणि मुंबई दहशतवाद विरोधी पथकासह सर्व सुरक्षा यंत्रणांना अलर्ट देण्यात आला आहे.मुंबई पोलिसांनी अनेक महत्वाच्या ठिकाणी नाकाबंदी लावली असून सुरक्षेचा आढावा घेतला जात आहे. कुलाबा पोलिसांनीदेखील अधिका-यांना अलर्ट दिला असून सुरक्षेवर लक्ष ठेवण्याचे आदेश दिले आहेत.
