सावली,दि.22ः सध्या सुप्रीम कोर्टाने मराठा आरक्षणाला स्थगिती दिली असुन अनेक नेते व अनेक संघटना मराठा समाजाचा समावेश ओबीसी संवर्गात समावेश करुन मराठा समाजाला आरक्षण देण्यात यावे असे म्हणत आहे.माञ हे चुकीचे आहे.अजुनपर्यत ओबीसीचे १९% आरक्षण महाराष्ट्रतील अनेक जिल्हात मिळालेले नाहीत.त्यात चंद्रपुर ११% यवतमाळ १४%,धुळे,नंदुरबार,नाशिक,रायगड,पालघर ९%आणि गडचिरोली ६%अशा प्रकारे ओबीसीच्या आरक्षणात विसंगती दिसुन येते ही विसंगती त्वरित दुर करण्यात यावी तसेच मराठा आरक्षणाला राष्ट्रीय ओबीसी महासंघाचा विरोध नाही माञ मराठा समाजाला ओबीसी संवर्गात समावेश करु नये अशी राष्ट्रीय ओबीसी महासंघ तालुका सावलीची मागणी आहे.तसेच केंद्र सरकार आणि महाराष्ट्र सरकारने जातनिहाय जनगणना करावी निवेदन देतेवेळी राष्ट्रीय ओबीसी महासंघ तालुका सावलीचे अध्यक्ष श्री.कवींद्रभाऊ रोहणकर ,अविनाश भाऊ पाल ,किशोर घोटेकर, अर्जुनजी भोयर ,हिवराजजी शेरकी ,भुवन साहरे , रवी गेडेकर ,तुळशीदास भुरसे आदींचा समावेश होते.
