अर्जुनी मोर.( सुरेंद्रकुमार ठवरे ) -गोंदिया तालुक्यातील आंबेतलाव ते गडचिरोली जिल्ह्यातील सीमेवरील अर्जुनी मोर तालुक्यातील गौरनगर एवढ्या क्षेत्रफळाने सर्वाधिक लांब आदिवासी नक्षलप्रभावीत अर्जुनी मोर. विधानसभा क्षेत्रातील अनेक समस्या शासनाचे निदर्शनास आणून त्या सोडविण्यासाठी या अर्जुनी मोर. विधानसभा क्षेत्राचे माजी आमदार तथा माजी सामाजिक न्याय व विशेष साहाय्य मंत्री राजकुमार बडोले यांनी नागपुर येथील दिवाळी अधिवेशनात आदिवासी विकास मंत्री विजयकुमार गावित यांना प्रत्यक्षात भेटुन विविध मागण्यांचे निवेदन दिले. यावेळी विविध विषयांवर चर्चा सुध्दा केली.
अर्जुनी मोर. विधानसभा क्षेत्र आदिवासी बहुल अतीदुर्गम भाग म्हणून ओळखल्या जातो.अशा या अतीदुर्गम भागात पायाभूत सुविधा निर्माण करण्यासाठी भगवान बिरसा मुंडा योजना व ठक्कर बाप्पा विकास योजनेंतर्गत विकास कामासाठी निधी मंजुर करण्यात यावे,वनहक्क जमीनीचे पट्टे लवकरात लवकर देण्यात यावे,अर्जुनी मोर. विधानसभातील शेंडा, ऊसिखेडा, झाशिनगर, तिडका, येरंडी, दोडके, अशा अनेक दुर्गम भागात मोबाईल रेंज मिळत नसल्याने संबधित यंत्रणांची बैठक घेवुन मोबाईल रेंज वाडविण्यासंदर्भात त्वरीत कार्यवाही करावी. अशा विविध मागण्यांचे निवेदन माजी मंत्री राजकुमार बडोले यांनी राज्याचे आदिवासी विकास मंत्री विजयकुमार गावित यांना प्रत्यक्षात भेटुन विधानसभा क्षेत्रातील विविध समस्यांचे निवेदन देत.यावर त्वरीत तोडगा काढण्याची विनंती केली
