परिसर होणार सुजलाम सुफलाम- खा. प्रफ़ुल्ल पटेल
गोंदिया,दि.११ः तालुक्यातून वाहणार्या वैनगंगा नदीवर तयार करण्यात येणाऱ्या डांगोरली उपसा सिंचन योजनेच्या उच्च पातळी बंधाऱ्याच्या बांधकामाचा मार्ग मोकळा झाला असून १० ऑक्टोबरला या कामाच्या टप्पा १ करीता ३९५ कोटी रुपयाच्या निधीला मंजूरी प्रदान करण्यात आली आहे.खासदार प्रफुल पटेल यांनी सदर उपसा सिंचन योजनेचे काम निधी अभावी रखडल्याचे मुख्यमंत्री एकनाथ शिंदे,उपमुख्यमंत्री देवेेद्र फडणीव,उपमुख्यमंत्री व अर्थमंत्री अजित पवार यांच्या लक्षात आणून याकडे लक्ष वेधले होते.त्यावर काल गुरुवारला झालेल्या मंत्रीमंडळ बैठकीत निर्णय घेत निधीला मंजूरी देण्यात आल्याने डांगोरली उपसा सिंचन लवकरात लवकर पूर्ण होऊन परिसरातील शेतकऱ्यांना लाभ मिळणार असल्याचा आशावाद खा.प्रफुल पटेल यांनी व्यक्त केला आहे. हे प्रयत्नशील होते.
गोंदिया तालुक्यातील डांगोरली व आसपासच्या परिसरातील गावांना याचा लाभ मिळणार आहे. मागील अनेक वर्षा पासून रखडलेल्या हा प्रकल्प पूर्ण व्हावा याकरिता परिसरातील शेतकऱ्यांनी खा. प्रफुल पटेल यांच्या कडे मागणी केली होती. डांगोरली उपसा सिंचन प्रकल्पाला ३९५ कोटी रुपयाचा निधी मंजूर करण्यात आलेली असल्याने हा प्रकल्प लवकरच पूर्ण होऊन परिसरातील अंदाजे ५९६१ हेक्टर शेतजमिनीचे सिंचन होणार असून परिसरातील शेतकरी विविध पिकांचे उत्पादन करून सुजलाम सुफलाम होणार आहे. परिसरातील शेती सिंचनाखाली येणार असल्याने शेतकरी बांधवानी खा. प्रफुल पटेल यांचे आभार मानले. तसेच राज्य सरकारचे ही आभार मानले जात आहे.विशेष म्हणजे या उपसा सिंचन योजनेच्या निधीकरीता गोंदियाचे आमदार विनोद अग्रवाल तसेच माजी आमदार गोपालदास अग्रवाल यांनीही पाठपुरावा केलेला होता.
