एका दशकानंतर बसपचे पुन्हा नगरपरिषदेत आगमन
बसपने रोखले राष्ट्रवादी काँग्रेस-काँग्रेसला
गोंदिया,,berartimes.com दि.०९-गोंदिया नगरपरिषदेच्या ८ जानेवारीला झालेल्या निवडणुकीची मतमोजणी आज सोमवारला शासकीय तंत्रनिकेतन महाविद्यालयात पार पडली.या निवडणुकीत भारतीय जनता पक्षाने नगराध्यक्षपदासह सर्वाधिक १८ जागावर विजय मिळविला.नगराध्यक्षपदी भाजपचे अशोक इंगळे यांनी राष्ट्रवादी काँग्रेसचे अशोक (गप्पु)गुप्ता यांचा ५८८२ मतांनी पराभव केला.तिसèया क्रमांकावर काँग्रेसचे राकेश ठाकुर राहिले.तर चौथ्या क्रमांकावर बसपचे पंकज यादव आणि पाचव्या क्रमांकावर शिवसेनेचे दुर्गेश रहागंडाले हे राहिले.
गोंदिया नगरपरिषदेच्या २१ प्रभागातील ४२ जागापैकी १८ जागा भारतीय जनता पक्षाने,९ जागा काँग्रेसने ,७ जागा राष्ट्रवादी काँग्रेसने,बहुजन समाज पक्षाने ५ जागा,शिवसेनेने २ जागा आणि अपक्षाने १ जागा qजकली.प्रभाग क्रमांक ५ मधून काँग्रेसचे बंडखोर अपक्ष उमेदवार सचिन गोंविद शेंडे यांनी विजय मिळविला.
विजयी उमेदवारामध्ये प्रभाग १ मधून घनश्याम पानतवणे व विमला मानकर (भाजप),प्रभाग २ मधून राष्ट्रवादीचे हेमंत पंधर व कुंदाताई पंचबुध्दे,प्रभाग ३ मधून विवेक मीश्रा व अनिता मेश्राम(भाजप), प्रभाग ४ मधून राष्ट्रवादी काँग्रेसचे सतिश देशमुख व सविता मुदलियार ,प्रभाग ५ मधून भाजपच्या रत्नमाला साहू व काँग्रेस बंडखोर अपक्ष सचिन शेंडे,प्रभाग ६ मधून भाजपच्या भावना कदम व अपसाना पठाण,प्रभाग ७ मधून काँग्रेसचे क्रांती जायस्वाल व श्रीमती शिलू राकेश ठाकूर,प्रभाग ८ मधून काँग्रेसचे शकिल मंसुरी व श्वेता पुरोहित,प्रभाग ९ मधून जितेद्र पचबुध्दे व आशालता चौधरी(भाजप),प्रभाग १० मधून मैथुला बिसेन व दिपक बोबडे (भाजप).
