गडचिरोली,दि.26 ः-गडचिरोली जिल्हा ३८ वा वर्धापन दिन जिल्हाधिकारी कार्यालय, गडचिरोली येथे उत्साहात जिल्हाधिकारी दीपक सिंगला यांचे अध्यक्षतेखाली साजरा करण्यात आला. यावेळी राज्य सरकारी कर्मचारी मध्यवर्ती संघटना, गडचिरोली यांच्या वतीने कार्यक्रमाचे आयोजन करण्यात आले होते. चंद्रपूर जिल्हयाचे विभाजन करुन दिनांक २६ ऑगष्ट १९८२ ला गडचिरोली जिल्हयाची निर्मीती करण्यांत आली. तेंव्हा पासून गडचिरोली जिल्हयातील वरीष्ट अधिकारी यांचे समवेत कर्मचा–यांनी उत्स्फुर्तपणे कामे करुन आपले योगदान दिलेले आहे. जिल्हा निर्मीतीला आज ३८ वर्षे पुर्ण झालेले असुन जिल्हयाच्या विकासात्मक कामामध्ये अधिकारी/कर्मचारी यांनी नक्षलग्रस्त आदीवासी बहुल जिल्हयात कर्तव्य निभावलेले आहे. जिल्हयातील सर्व जनतेला व प्रशासनातील प्रत्येक अधिकारी कर्मचारी यांना वर्धापन दिनाच्या शुभेच्छा यावेळी जिल्हाधिकारी दीपक सिंगला यांनी दिल्या.कोविड–१९ या संसर्गजन्य महामारीच्या काळात जिल्हाधिकारी दीपक सिंगला यांचे मार्गदर्शनाखाली सर्व विभागातील राज्य सरकारी कर्मचारी, महसुल ,आरोग्य, पोलीस, जिल्हा परिषद व इतर विभागाचे कर्मचारी यांचे सहकार्याने कर्तव्य निभावण्यांत येत आहे. जिल्हा प्रशासन व राज्य सरकारी कर्मचारी मध्यवर्ती संघटना,गडचिरोली यांचे संयुक्त विद्यमाने दीपक सिंगला, जिल्हाधिकारी, गडचिरोली यांचे हस्ते केक कापून वर्धापन दिन साजरा करण्यांत आला. यावेळी जिल्हाधिकारी, गडचिरोली यांनी गडचिरोली जिल्हयाच्या विकासात्मक कामाकरीता उपस्थितींना शुभेच्छा दिल्या. सदर कार्यक्रमात जिल्हा माहिती अधिकारी सचिन अडसुळ यांनी केलेल्या जिल्हा प्रसिद्धी विषयक कामाबद्दल प्रशस्तिपत्र अप्पर जिल्हाधिकारी अनंत वालस्कर यांचे हस्ते प्रदान करण्यांत आले. कार्यक्रमात धनाजी पाटील, निवासी उप जिल्हाधिकारी, कल्पना निळ–ठुबे उप जिल्हा निवडणूक अधिकारी , जिल्हा माहिती अधिकारी सचिन अडसुळ, नारायण ठाकरे, तहसिलदार, संजीव ओव्हाळ, मुख्याधिकारी न.प.,राज्य सरकारी कर्मचारी संघटनेचे जिल्हाध्यक्ष सुनिल चडगुलवार, सरचिटणीस भास्कर मेश्राम, चतुर्थ श्रेणी कर्मचारी संघटनेचे अध्यक्ष लतीफ पठाण, सचिव किशेार सोनटक्के, ज्ञानेश्वर ठाकरे, डी.के. निकूरे, दयाराम मेश्राम, चहांदे, नरेंद्र भुरले, चांभारे इत्यादी कर्मचारी उपस्थित होते. कार्यक्रमाचे संचालन सुनिल चडगुलवार यांनी केले. तर आभार सचिन अडसुळ यांनी मानले.
