* ८४.२३ % विद्यार्थी उत्तीर्ण * ३ हजार ०२४ विद्यार्थी उत्तीर्ण
मुंबई : मुंबई विद्यापीठाच्या शैक्षणिक वर्ष २०२०-२१ च्या अंतिम वर्षाच्या मे २०२१ मध्ये संपन्न झालेल्या उन्हाळी सत्राच्या विज्ञान शाखेचा तृतीय वर्ष बीएस्सी काम्प्युटर सायन्स सत्र ६ या परीक्षेचा निकाल जाहीर करण्यात आला असून या परीक्षेचा निकाल ८४.२३ टक्के लागला आहे. या परीक्षा ऑनलाईन पद्धतीने घेण्यात आल्या होत्या.
या परीक्षेत एकूण ३ हजार ०२४ विद्यार्थी यशस्वीरित्या उत्तीर्ण झाले आहेत. या परीक्षेला ३ हजार ७६७ विद्यार्थ्यांनी नोंदणी केली होती. त्यापैकी ३ हजार ७५८ एवढे विद्यार्थी परीक्षेत प्रविष्ठ झाले होते. तर ९ विद्यार्थी परीक्षेला अनुपस्थित होते. तसेच या परीक्षेत ४३ विद्यार्थी हे अनुत्तीर्ण झाले आहेत.
या परीक्षेचा निकाल विद्यापीठाचे संकेतस्थळ http://www.mumresults.in/ यावर प्रसिद्ध करण्यात आला आहे. २०२१ च्या उन्हाळी सत्राचे कालपर्यंत विद्यापीठाने ८१ निकाल जाहीर केले आहेत.
|| काल दिवसभरात एकूण ११ परीक्षांचे निकाल जाहीर ||
विद्यापीठाने काल दिवसभरात एकूण ११ परीक्षांचे निकाल जाहीर केले आहेत. यात बीएस्सी काम्प्युटर सायन्स सत्र ६ सोबत बीई ( मेकॅनिकल इंजिनियरिंग ) सत्र ७, बीकॉम ( फायनान्शियल मॅनेजमेंट ) सत्र ५, बीकॉम ( ट्रान्सपोर्ट मॅनेजमेंट ) सत्र ५, बीई ( सिव्हील इंजिनियरिंग ) सत्र ८, बीई ( काम्प्युटर इंजिनियरिंग ) सत्र ८, बीई ( केमिकल इंजिनियरिंग ) सत्र ७, बीकॉम ( इन्वेस्टमेंट मॅनेजमेंट ) सत्र ५, बीकॉम ( फायनान्शियल मॅनेजमेंट ) सत्र ६, बीएस्सी सत्र ५ (७५.२५), बीएस्सी (हॉस्पिटॅलिटी स्टडीज ) सत्र ५ असे ११ परीक्षांचे निकाल जाहीर करण्यात आले.
RESULT OF TY B.Sc Computer Science SEM VI (CBCS), Summer Session 2021 Exam held in May 2021
Registered Students : 3767
Appeared Students : 3758
Absent Students : 9
Successful Students : 3024
Unsuccessful Students : 43
Pass Percentages : 84.23 %
