प्रधानमंत्री ग्राम डिजिटल साक्षरता अभियान जिल्ह्यात कागदोपत्रीच

गोंदिया(खेमेंद्र कटरे):  नागरिकांना डिजीटल साक्षर बनवण्ङ्मासाठी प्रधानमंत्री ग्राम डिजिटल साक्षरता अभियान (pmgdisha) ही योजना केंद्र सरकारच्यावतीने देशपातळीवर प्रत्येक जिल्ह्यात जिल्हाधिकारी कार्यालयाच्या   देखरेखीत ग्रामपंचायतस्तरावर राबवून डिजिटल साक्षर नागरिक घडवणे हा मुख्य उद्देश असला तरी या योजनेचा पाहिजे तसा प्रचार प्रसार आणि इमाने इतबारे राबवली न गेल्याने गावखेड्यातील अनेक नागरिकांकडे जरी एंड्राईड मोबाईल असले तरी सरकारच्या ई पीक नोंदणीच्या माध्यमातून डिजिटल साक्षरता अभियान हे संबधित केंद्रचालकांनी कागदावरच राबवल्याने प्रधानमंत्री ग्राम डिजीटल साक्षरता अभियान अपयशी ठरली अशीच म्हणण्याची वेळ आली आहे.
४ जी च्या युगात देशातील प्रत्येक व्यक्तीला संगणक व डिजिटल उपकरणें जसे टेबलेट, स्मार्टफोन इत्यादीचे प्रशिक्षण, ईमेल पाठवणे,इंटरनेटचा वापर करुन सरकारी योजनेचे लाभ घेणे,कोणत्याही प्रकारची माहिती काढ़णे व ऑनलाईन पैशाची देवाण-घेवाणासह इतर कामे डिजिटल पध्दतीने करता आली पाहिजे हा केन्द्र शासनाचा उद्देश्य आहे. या योजनेत ग्रामीण भागातील एका परिवारातून एक सदस्याला डिजीटल साक्षर बनवायचे आहे.२०१४ चा एका सर्वे नुसार आपल्या देशात फक्त ०६%टक्के ग्रामीण परिवाराकड़े संगणक आहे.त्यामुळे केंद्र सरकारने या योजनेच्या माध्यमातून ग्रामीण भागातील नागरिक डिजीटल साक्षर  व्हावे याकरीता ही प्रधानमंत्री ग्रामीण साक्षरता अभियान २०-२१  राबवण्यातच येत आहे. परंतु गावातील नागरिकांना एकत्रित करुन त्यांना प्रशिक्षण देऊन त्यांची परिक्षा घेतल्यानंतर उत्तीर्ण झालेल्यांना प्रमाणपत्र देणे हे काम गावपातळीवर काम दिलेल्या संगणक संस्थेला(सीएससी) देण्यात आले.मात्र गोंदिया जिल्ह्यातील अनेक गावामध्ये यासंबधीचा आढावा घेतल्यावर असे लक्षात आले की गावात अशाप्रकारचे कुठलेच प्रशिक्षण गावपातळीवर झाले नसून संस्थाचालकांनी आपल्या माध्यमातूनच प्रशिक्षण झाल्याचे दाखवून प्रमाणपत्राचे वाटप केले.
जिल्ह्यात प्रशिक्षण नावालाच
योजनेकरीता प्रत्येक ग्राम पंचायत अंतर्गत एक प्रशिक्षण केंद्र प्रधानमंत्री ग्राम डिजिटल साक्षरता अभियान या नावाने कॉमन सर्विस सेंटरद्वारे उघडायचे आहे आणि ज्याना डिजिटल देवाण-घेवाण, मेल पाठवणे,सरकारी योजना आनलाईन करता येत नाही पाहता येत नाही अशां परिवारातून एकच सदस्याची निवड करुन गावातील ३०० नागरिकांची नोंदणी  करुन त्याच ग्रामपंचायत क्षेत्रात प्रशिक्षण केंद्र उघडून त्या ३०० नागरिकाना १० दिवस पर्यंत शिकवायचे आहे.परंतु गोंदिया जिल्ह्यात ग्रामपंचायतमध्ये असे प्रशिक्षण  न घेता ज्या काही सीएससी संस्थांना केंद्र मिळाले,ते एकदा येऊन सर्वांची नोंदणी करुन परत जातात आणि 10 दिवसानंतर परिक्षेच्या नावावर कॅमेरासमोर उभे करुन पास करुन प्रमाणपत्र देत असल्याचा प्रकार उघडकीस येऊ लागला आहे.ग्राम पंचायतमध्ये प्रशिक्षण केंद्र न उघड़ता प्रशिक्षक सरळ गावातील नागरिकांच्या घरी जाऊन परिवारातून प्रत्येक सदस्यांचे रजिस्ट्रेशन करून प्रशिक्षण न देता त्यांची परीक्षा स्वतः देतात परीक्षा देणारा माणूस फक्त आणि फक्त कॅमेरासमोर बसला असतो.त्यांची परीक्षा प्रशिक्षक देतो अशा प्रमाणे जिल्ह्यात डिजीटल साक्षर बनवण्यात येत आहे.