सुकमा, दि. २२ – छत्तीसगडमधील सुकमा जिल्ह्यात रविवारी सकाळी नक्षलवादी व सुरक्षा रक्षकांमध्ये झालेल्या चकमकीत चार महिला नक्षलवादी ठार झाल्या आहेत. पोलिसांनी दिलेल्या माहितीनुसार, सुकमा जिल्ह्यातील अर्णपूर भागात स्पेशल टास्क फोर्स व केंद्रीय राखीव पोलिस दलाच्या (सीआरपीएफ) जवानांनी संयुक्तरित्या केलेल्या कारवाईत चार महिला नक्षलवादी ठार झाल्या. या कारवाईनंतर सुरक्षा रक्षकांकडून परिसरात शोधमोहिम राबविण्यात येत असून नक्षलवाद्यांकडून शस्त्रास्त्रांचा साठा जप्त करण्यात आला आहे.
