गडचिरोली दि.०१: अहेरी तालुक्यातील मरपल्ली पोलीस ठाण्याच्या अंतर्गत एसआरपीएफ जवानाने आपल्या सहकाऱ्यावर गोळ्या हत्या केली आणि स्वतःवर गोळ्या घालून आत्महत्या केल्याची घटना आज सायंकाळच्या सुमारास घडली. मृतकाचे नाव श्रीकांत बेरड (३५) व बंडू बंसी नवतारे (३३) अशी नावे आहे.
आज बुधवार १ जून २०२२ रोजी सायंकाळी ४ ते ४.३० वाजे दरम्यान उपविभाग जिमलगट्टा अंतर्गत येणाऱ्या पोमके मरपल्ली येथे तैनातीस असलेल्या एस आरपीएस ग्रुप १ (पुणे) च्या एका जवानाने दुसऱ्या जवानावर गोळीबार केला व नंतर स्वतःवर गोळी झाडून घेतली, यात दोघांचाही मृत्यू झाला सदर घटनेने पोलिस विभागात एकच खळबळ उडाली आहे.
सविस्तर वृत्त असे की, मरपल्ली पोलीस स्टेशन येथे कार्यरत असलेले राज्य राखीव दल यातील एका जवानाने आपल्या सहकाऱ्यावर गोळ्या झाडून हत्या केली आणि लगेच स्वतःवर गोळ्या झाडून आत्महत्या केली आहे. वृत्त लिहस्तोवर हत्येचे कारण कळू शकले नाही. सदर घटनेचा पुढील तपास जिमलगट्टा येथील उपविभागीय पोलिस अधिकारी सुजित कुमार क्षीरसागर यांच्या मार्गदर्शनाखाली सुरू आहे.
