***- विविध क्षेत्रातील मान्यवरांचा होणार सत्कार*
गोंदिया : प्रेस ट्रस्ट ऑफ गोंदियाचा ७ वा स्थापना दिन कार्यक्रम १ सप्टेंबर रोजी साजरा करण्यात येणार आहे.परंपरेनुसार या कार्यक्रमात जिल्हृयातील समाजकार्य, साहित्य, कृषी, शिक्षण व प्रशासकीय क्षेत्रात उल्लेखनिय कार्य करणार्‍या व्यक्तींची निवड करून त्यांचा गौरव पुरस्कार देवून सत्कार करण्यात येतो. तसेच पत्रकारिता क्षेत्रातील जीवन गौरव पुरस्कार प्रदान केले जाते. १ सप्टेंबर रोजी सायंकाळी ६ वाजता हॉटेल गेटवे येथे स्थापन दिन व सत्कार कार्यक्रम आयोजित करण्यात आला आहे.
कार्यक्रमाचे उद्घाटन खा.सुनिल मेंढे यांच्या हस्ते प्रेस ट्रस्ट ऑफ गोंंदियाचे अध्यक्ष अपूर्व मेठी यांच्या अध्यक्षतेखाली होणार आहे. या कार्यक्रमाला प्रमुख अतिथी म्हणून आ.डॉ.परिणय फुके, आ.विनोद अग्रवाल, आ.विजय रहांगडाले, आ.मनोहर चंद्रिकापुरे, आ.सहषराम कोरोटे, जि.प.अध्यक्ष पंकज रहांगडाले, जिल्हाधिकारी नयना गुंडे, माजी आमदार राजेंद्र जैन, अदानी प्रकल्पाचे पियुष दिगावकर आदि मान्यवर उपस्थित राहणार आहेत.
यावर्षी प्रेस ट्रस्ट ऑफ गोंदियातर्फे स्व.रणजितभाई जसानी स्मृति प्रित्यर्थ जिल्हा गौरव सामाजिक सेवा पुरस्कार कुष्ठरोगासाठी सेवाकार्य करणार्‍या डॉ.जगन्नाथ राऊत, स्व.रामकिशोर कटकवार स्मृति प्रित्यर्थ जिल्हा गौरव कर्तव्यनिष्ठ पुरस्कार उपजिल्हाधिकारी सुभाष चौधरी, रामदेव जायस्वाल स्मृति प्रित्यर्थ जिल्हा गौरव साहित्यरत्न पुरस्कार रमेश शर्मा, स्व.मोहनलाल चांडक स्मृति प्रित्यर्थ जिल्हा गौरव कृषीरत्न पुरस्कार चोपराम कापगते, सहयोग संस्थानतर्फे शिक्षण क्षेत्रात उत्कृष्ट कार्याबद्दल जिल्हा गौरव पुरस्कार खुशबू जगणे यांना दिला जाणार आहे. तसेच प्रेस ट्रस्ट ऑफ गोंदियाचा जीवन गौरव पुरस्काराने ज्येष्ठ पत्रकार संतोष नागनाथे यांचा सत्कार करण्यात येणार आहे. विशेष म्हणजे कोरोना काळात सोनझारी समाजाद्वारे मोक्षधाम येथे केलेल्या सेवा कार्यासाठी त्यांचा सत्कार करण्यात येणार आहे. कार्यक्रमाला उपस्थित राहण्याचे आवाहन प्रेस ट्रस्ट ऑफ गोंदियाचे रवि आर्य, जयंत शुक्ला, संतोष शर्मा, हिदायत शेख, अंकूश गुंडावार, जावेद खान, हरींद्र मेठी, कपिल केकत, प्रमोद नागनाथे, मुकेश शर्मा, नरेश रहिले, भरत घासले, आशिष वर्मा, आर एच चौबे, योगेश राऊत, दिपक जोशी, सौ.अर्चना गिरी, बिरला गणवीर, आर व्ही जोशी आदिंनी केले आहे.
