अर्जुनी-मोरगाव : आजघडीला ग्रामस्थांना स्वतःच्या जंगम मालकीचे अधिकृत अधिकार पत्र मिळालेले नाही. शासनाच्या योजनेचा लाभ घेण्यासाठी कधीकाळी सामान्य जनतेला वंचित रहावे लागते. ग्रामपंचायतचा गाव नमुना आठवत फक्त नोंद असते. शासनाच्या निर्देशाप्रमाणे ड्रोनद्वारे गावठाण मोजणी अभियान राबविण्यात येत आहे. आता यापुढे गावकऱ्यांना आपल्या मिळकतीचे अधिकृत अधिकार पत्र मिळणार आहे.
समस्त ग्रामवासी यांनी संबंधित विभागाला सहकार्य करावे, गावाचा सर्वांगीण विकास साधण्यासाठी सामूहिक प्रयत्न करावेत, असे आवाहन जिल्हा परिषदेच्या उपमुख्य कार्यकारी अधिकारी शितल पुंड यांनी केले. अर्जुनी-मोरगाव तालुक्यातील ग्राम बोदरा देऊळगाव येथे मिळकतीचे ड्रोनद्वारे गावठाण मोजणी उपक्रमाच्या शुभारंभ प्रसंगी त्या गावकर्यांशी हितगुज साधताना बोलत होत्या.
यावेळी उपमुख्य कार्यकारी अधिकारी शितल पुंड यांनी गावात मूलभूत सोयी-सुविधा उपलब्ध होण्यासाठी सर्वांनी सामूहिक प्रयत्न करावेत, गावातील जागरूक लोकप्रतिनिधी गावाच्या विकासकामाला प्राधान्य देतो, ग्रामीण भाग स्वयंपूर्ण होणे गरजेचे आहे. जनतेला मालकी हक्क मिळणार, गावठाण शासकीय मालमत्ता ओळखता येणार असल्याचे त्यांनी सांगितले.
848 मिळकतींची नोंद
शितल पुंड यांनी रिमोटद्वारे ड्रोनचे उडान केले, देऊळगाव तसेच बोदरा या दोन्ही गावाचे ड्रोनद्वारे भ्रमण करून 848 मिळकतींची नोंद करण्यात आली.
