गोंदिया,दि.०३ः गोंदिया शहर राष्ट्रवादी काँग्रेस पार्टी शिष्टमंडळाच्या वतीने खासदार प्रफुल पटेल यांच्या निर्देशानुसार, माजी आमदार राजेंद्र जैन यांच्या मार्गदर्शनात महावितरण व्दारा लादण्यात आलेला अतिरिक्त विज भार कमी करुन विज दर कमी करण्याचे निवेदन विज वितरण कंपनीचे मुख्य अभियंता यांना देण्यात आले.
महाराष्ट्र राज्य वीज वितरण मंडळाव्दारे वीज ग्राहकांकडून विविध प्रकारचे अतिरिक्त भार (शुल्क) च्या रूपात वसूल केल्या जाते. त्यात GST कर लावून पुन्हा ग्राहकांवर आर्थिक बोजा लादण्याचे काम विद्युत मंडळ करीत आहे. १००, २००, ३०० याप्रमाणे पर १०० युनिट च्या पलीकडे अतिरिक्त शुल्क लावून ग्राहकांचा शोषण होत आहे. यात सरासरी एकाच दराने विद्युत आकारणी करावी. शहर व ग्रामीण भागात अनियमित पुरवठा होत असलेली वीज नियमित करावी. मान्सुन पूर्व विद्युत व्यवस्था करून विद्युत तारांमुळे होणारी जीवितहानी टाळावी यासह अनेक मागण्याचे निवेदन पक्षाच्या वतीने देण्यात आले. राज्य विद्युत मंडळाच्या मनमानी कारभाराला जनता त्रस्त झाली असून विज ग्राहकाला आर्थिक भुर्दंड लागू नये याकरिता अतिरिक्त भार, GST कर कमी करण्यात येवून वीज ग्राहकांना दिलासा द्यावा व योग्य अंबलबजावणी करण्यात यावी इसे निवेदनात म्हटले आहे.यावेळी सर्वश्री नानू मुदलियार, आनंद ठाकूर, खालिदभाई पठाण, राजू भगत, संजय सोनुने, झनकलाल ढेकवार, विजेंद्र जैन, टी. एम. धुवारे, तरंग जायसवाल, अनुज जायसवाल, राजेश वर्मा, तुषार उके, शरभ मिश्रा, कपिल बावनथडे, कुणाल बावनथडे यांच्या सह कार्यकर्ता उपस्थित होते.
