तिरोडा-सामाजिक वनीकरण विभाग गोंदिया परिक्षेत्र तिरोडा अंतर्गत वृक्षारोपणाचा कार्यक्रम भिवरामजी विद्यालय व कनिष्ठ महाविद्यालय वडेगाव येथे वनपाल एम आर एटरे, वनपाल पी एफ डहाट, उपसरपंच बाळकृष्ण सोनेवाने, प्राचार्य डी आर गिरीपुंजे ,ज्येष्ठ शिक्षक गोविंदप्रसाद बिसेन, डी एस बोदेले, वनमजूर इंद्रकुमार साठवणे, चंद्रशेखर पटले, राजू नंदेश्वर ,यांच्या प्रमुख उपस्थितीत वृक्षारोपणाचा कार्यक्रम घेण्यात आला.
यावेळी शालेय पटांगणात विविध वृक्षांच्या रोपांची लागवड करण्यात आली विद्यार्थ्यांनी ‘ एक पेड मा के नाम ‘ यानुसार मनाशी गाठ बांधून वृक्ष संवर्धनाची कास धरली. त्या झाडाला दत्तक समजून संरक्षण करण्याची जबाबदारी स्वीकारली.
कार्यक्रमाचे संचालन डी एस बोदेले ,प्रास्ताविक प्राचार्य डी आर गिरीपुंजे ,आभार प्रदर्शन आर के किरसाण यांनी केले यशस्वीतेसाठी शाळेतील शिक्षक शिक्षकेतर कर्मचारी व विद्यार्थ्यांनी मोलाचे सहकार्य केले.
