गोंदिया,२९ सप्टेंबर-देशातील युवा पिढीला व्यसनमुक्तीचा संदेश देण्यासाठी आणि कोणत्याही प्रकारच्या व्यसनाला सोडून भारताला व्यसनमुक्त करण्याच्या उद्देशाने भाजप युवा मोर्चाच्या वतीने रविवारी दि. २८ सप्टेंबर रोजी गोंदियाच्या जयस्तंभ चौक येथील प्रशासकीय भवनासमोर भव्य नमो मॅरॅथॉन धाव स्पर्धेचे आयोजन करण्यात आले.
या प्रसंगी प्रमुख पाहुणे म्हणून आमदार विनोद अग्रवाल, भाजप गोंदिया जिल्हाध्यक्ष सिताबाई रहांगडाले, भाजयुमो जिल्हाध्यक्ष रोहित अग्रवाल, माजी नगरसेवक दिनेश दादरीवाल, सुनील केलंका, माजी सभापती घनश्याम पानतवने, धर्मेंद्र डोहरे, अहमद मनियार तसेच माजी नगरसेवक व भाजप मंडळ पदाधिकारी उपस्थित होते.
मॅरॅथॉनमध्ये मुलींसाठी ३ कि.मी. तर मुलांसाठी ५ कि.मी. धाव स्पर्धा ठेवण्यात आली होती. गोंदिया तालुक्यातील युवतींनी मोठ्या संख्येने सहभाग घेतला.
पुरुष व महिला गटातील अव्वल पाच स्पर्धकांना रोख पारितोषिक देण्यात आले तसेच धाव स्पर्धेत सहभागी झालेल्या प्रत्येक स्पर्धकाला सहभाग प्रमाणपत्र व प्रोत्साहनपर बक्षीस देण्यात आले.या कार्यक्रमाचा उद्देश व्यसनमुक्तीचा संदेश पसरवणे व भारताला व्यसनमुक्त बनवणे हा होता. या भव्य नमो मॅरॅथॉन स्पर्धेत दोन हजारांहून अधिक युवक-युवतींनी सहभाग घेतला.
पुरुष व महिला गटातील अव्वल पाच स्पर्धकांना रोख पारितोषिकाने सन्मानित करण्यात आले तसेच प्रत्येक स्पर्धकाला आमदार विनोद अग्रवाल यांच्या हस्ते प्रोत्साहनपर बक्षीस देण्यात आले.पंतप्रधान नरेंद्र मोदी यांच्या वाढदिवसानिमित्त “राष्ट्रनेता ते राष्ट्रपिता” सेवा पंधरवडा आयोजित करण्यात आला आहे. हा पंधरवडा राष्ट्रपिता महात्मा गांधी यांच्या जयंतीनिमित्त २ ऑक्टोबर रोजी समाप्त होईल.
या पंधरवड्यात राज्यभरात जिल्हास्तरावर नागरिकांना विविध योजनांचा लाभ मिळावा यासाठी विविध उपक्रम राबविले जात आहेत. त्याचाच एक भाग म्हणून गोंदियात भारताला व्यसनमुक्त करण्यासाठी व आजच्या तरुण पिढीला व्यसनाच्या सवयींपासून दूर ठेवण्यासाठी नमो मॅरॅथॉन स्पर्धेचे आयोजन करण्यात आले.
या मॅरॅथॉन स्पर्धेत गोंदिया जिल्ह्यातील सर्व आठ तालुक्यांतील — गोंदिया, गोरेगाव, आमगाव, देवरी, सालेकसा, अर्जुनी मोरगाव, तिरोडा व सडक अर्जुनी — युवतींनी सहभाग घेतला. मुलींसाठी ३ कि.मी. व मुलांसाठी ५ कि.मी. धाव स्पर्धा घेण्यात आली. आयोजक गोंदिया जिल्हा भाजयुमो अध्यक्ष रोहित अग्रवाल यांनी सांगितले की, भविष्यात गोंदिया जिल्ह्यातील युवकांसाठी अशा प्रकारच्या स्पर्धांचे आयोजन केले जाईल.
या स्पर्धेत भाग घेण्यासाठी नोंदणी केलेल्या युवक-युवतींनी मागणी केली की, गोंदियात अशा मॅरॅथॉन स्पर्धांचे सातत्याने आयोजन व्हावे, ज्यामुळे गोंदिया जिल्ह्यातील धावपटूंनाही राज्यस्तरीय मॅरॅथॉन स्पर्धांमध्ये सहभागी होण्याची संधी मिळेल. ही बाब या स्पर्धेत प्रथम क्रमांक पटकावणाऱ्या आरती भगत व निखार भेलावे यांनी व्यक्त केली.
या प्रसंगी आमदार विनोद अग्रवाल म्हणाले की, येत्या काळात गोंदिया जिल्ह्यातील धावपटूंनाही राज्यस्तरासोबत आंतरराष्ट्रीय स्तरावर होणाऱ्या मॅरॅथॉन स्पर्धेत सहभागी होता यावे, यासाठी सिंथेटिक रनिंग ट्रॅकचे बांधकाम करण्यात येईल. तसेच गोंदिया जिल्ह्यातून विविध खेळाडू तयार करण्यासाठी प्रयत्न केले जातील, असे त्यांनी स्पष्ट केले.मॅरॅथॉन स्पर्धा कार्यक्रमाचे सूत्रसंचालन जयंत शुक्ला यांनी केले, तर भाजयुमो जिल्हाध्यक्ष रोहित अग्रवाल यांनी आभार मानले.
