पुणे,दि.०३ः बहुजन समाजाच्या हक्कासाठी आवाज उठवणारे आणि फुले शाहू आंबेडकरांच्या विचाराचे काम करणारे प्रसिद्ध सामाजिक कार्यकर्ते आणि वकील अॅड. असीम सरोदे (Adv. Asim Sarode) यांच्यावर मोठी कारवाई झाली आहे. महाराष्ट्र आणि गोवा बार काऊन्सिलने (Maharashtra and Goa Bar Council) त्यांची वकिलीची सनद रद्द केली आहे. न्यायव्यवस्था आणि इतर संवैधानिक पदांविरोधात सार्वजनिक ठिकाणी केलेल्या वादग्रस्त विधानांमुळे हा निर्णय घेण्यात आला.
न्यायव्यवस्थेचा अपमान आणि तक्रार
अॅड. सरोदे (Adv. Sarode) यांनी एका सार्वजनिक कार्यक्रमात न्यायव्यवस्था, राज्यपाल (Governor) आणि विधानसभा अध्यक्ष यांच्या कार्यपद्धतीवर टीका करणारी काही वादग्रस्त विधाने केली होती. याच विधानांच्या आधारे एका तक्रारदाराने त्यांच्याविरोधात बार काऊन्सिलकडे धाव घेतली.
त्रिसदस्यीय समिती आणि अंतिम कारवाई
या गंभीर तक्रारीची दखल घेत महाराष्ट्र आणि गोवा बार काऊन्सिलने (Maharashtra and Goa Bar Council) एक त्रिसदस्यीय चौकशी समिती स्थापन केली होती. या समितीचे अध्यक्षपद अॅड. विवेकानंद घाटगे यांच्याकडे सोपवण्यात आले होते.अॅड. घाटगे (Adv. Ghatge) यांच्यासोबत या समितीत अॅड. संग्राम देसाई (Adv. Sangram Desai) आणि अॅड. नेल्सन राजन (Adv. Nelson Rajan) यांचा सदस्य म्हणून समावेश होता. या समितीने प्रकरणाची चौकशी केल्यानंतर, अॅड. असीम सरोदे (Adv. Asim Sarode) यांच्यावर वकिलीची सनद रद्द करण्याची कठोर कारवाई करण्यात आली आहे.
