नवी दिल्ली,दि.24(वृत्तसंस्था): राष्ट्रवादी काँग्रेसचे अध्यक्ष यांच्या दिल्लीतील निवासस्थानाची सुरक्षा केंद्र सरकारने तडकाफडकी हटविली आहे. कोणतीही पूर्वसूचना न देता हा निर्णय घेण्यात आल्याचे बोलले जात आहे. महाराष्ट्रा तील सत्ताबदलाची पार्श्वभूमी सरकारच्या या निर्णयाला असल्याचीही चर्चा आहे.अतिमहत्त्वाच्या व्यक्तींना केंद्रीय गृहमंत्रालयाकडून सुरक्षा पुरवली जाते. संबंधित व्यक्तीला असलेल्या धोक्याची तीव्रता लक्षात घेऊन याबाबत निर्णय घेतला जातो. वेळोवेळी सुरक्षेचा आढावा घेतला जातो. सुरक्षेत कपात करायची असल्यास संबंधित व्यक्तीला त्याची पूर्वकल्पना दिली जाते. मात्र, शरद पवारांच्या बाबतीत असे काहीही झालेले नाही. पवारांची सुरक्षा काढण्याचे कुठलेही कारण सरकारने दिलेले नाही, असे दिल्लीतील त्यांच्या कार्यालयातून सांगण्यात आले आहे.
