गोंदिया : सागवन तस्करी करताना तोतया पत्रकारासोबत चार आरोपींना देवरी वनविभागाने अटक केली. ही घटना गोंदिया जिल्ह्याच्या देवरी-चिचगड मार्गावर घडली. आरोपींकडून तब्बल 5 लाख रूपयांचे सागवन जप्त केले आहे.
गोंदिया जिल्ह्यात मोठ्या प्रमाणात वन संपदा आहे. त्यातही सागवान वृक्षांची मोठ्या प्रमाणात तस्करी होताना दिसत असते. दरम्यान वन विभाग सागवन तस्करी थांबविण्यासाठी पेट्रोलिंगवर असताना रात्री तपासणी दरम्यान एका चारचाकी वाहनात (क्रमांक MH 31 CN 0422) 23 नग सागवान चिरान विनापरवाना आढळून आले. त्याची किंमत 19 हजार 125 रुपये आहे.लगेच मुद्देमालासह आरोपींना ताब्यात घेत त्यांच्या घराची तपासणी दरम्यान 5 लाखाचे सागवान जप्त करण्यात आले. तसेच तस्करीसाठी वापरण्यात येणारी गाडी जप्त करण्यात आली आहे. वन विभागाने या प्रकरणी तोतया पत्रकारासह 4 आरोपींना अटक केली आहे.
