जात प्रमाणपत्र पडताळणी समितीचे आवाहन
वाशिम, दि. 09- जिल्हा जात प्रमाणपत्र पडताळणी समिती वाशिम, कार्यालयाच्या वतीने सन २०२२-२३ या शैक्षणिक वर्षात व्यावसायिक अभ्यासक्रमासाठी आरक्षित जागेवर प्रवेश घेवू इच्छिणाऱ्या मागासवर्गीय विद्यार्थ्यांना जात पडताळणी प्रमाणपत्र सादर करणे अनिवार्य आहे. त्यानुषंगाने विद्यार्थ्यांना आवाहन करण्यात येत की, सन २०२२-२३ या वर्षासाठीच्या व्यावसायिक अभ्यासक्रमांसाठी प्रवेश घेण्यास इच्छुक असणाऱ्या ज्या विद्यार्थ्यांनी अद्याप जात प्रमाणपत्र पडताळणीसाठी अर्ज दाखल केलेले नाहीत, त्यांनी जात वैधता प्रमाणपत्रासाठी ऑनलाईन अर्ज तात्काळ सादर करावे.
शैक्षणिक प्रवेश प्रक्रिया सुरु झाली असल्याने, चालू शैक्षणिक वर्षात वैधता प्रमाणपत्राअभावी मागासवर्गीय
विद्यार्थी लाभापासून वंचित राहू नये. यासाठी ज्या विद्यार्थ्यांनी अद्यापही जात वैधता प्रमाणपत्रसाठी अर्ज सादर केला नाही, त्यांनी https://bartivalidity.maharashtra.gov.in या संकेतस्थळावर ऑनलाईन अर्ज सादर करावा. आणि त्या अर्जाची प्रत आवश्यक त्या कागदपत्रांच्या साक्षांकित प्रती जोडून समिती कार्यालयाकडे विलंबाबाबतच्या हमीपत्रासह त्वरित सादर करावी.त्वरीत सादर करावी. जात वैधता प्रमाणपत्राअभावी विद्यार्थ्यांस आरक्षणातून प्रवेश मिळाला नाही, तर त्यास जात प्रमाणपत्र पडताळणी समिती जबाबदार राहणार नाही, असे हमीपत्र अर्जदाराने अर्जाच्या प्रतीसोबत जिल्हा जात प्रमाणपत्र पडताळणी समितीकडे सादर करणे आवश्यक आहे. सदर हमीपत्रांचा नमुना बार्टीच्या संकेतस्थळावर उपलब्ध करून देण्यात आला आहे. अधिक माहिती करीता समिती कार्यालयाशी संपर्क साधावा. असे आवाहन डॉ. छाया कुलाल उपायुक्त तथा सदस्य जिल्हा जात प्रमाणपत्र पडताळणी समिती वाशिम यांनी केले आहे
