छत्रपती संभाजिनगर,दि.4- सिडकोतील काळा गणपती मंदीरासमोर एका कारचालकाने सहा जणांना उडवल्याची घटना आज सकाळी ८.३० वाजेच्या सुमारास घडली. या भिषण अपघातात मंदीरचे सुरक्षा रक्षक गुणाजी लक्ष्मणराव शेवाळे, वय 60, राहणार एन-2, विठ्ठल नगर, छत्रपती संभाजिनगर यांचा जागिच मृत्यू झाल्याची प्राथमिक माहीती मिळत आहे. या घटनेत दुस-या व्यक्तीचा मृत्यू झाल्याची माहीती आहे परंतु नाव समजले नाही असे एमआयडिसी पोलिसांनी सांगितले. जखमींना रुग्णालयात उपचारासाठी दाखल केले आहे.
मिळालेल्या माहितीनुसार प्रशांत एकनाथ मगर, वय 30, राहणार सिडको, छत्रपती संभाजिनगर हा गारखेडा येथील क्रीडा संकुल येथून टेनिस खेळून परतला होता. काळा गणपती मंदीरासमोर स्विफ्ट डिझायर कार क्रं.MH-20, HH-0746 वरील ताबा सुटल्याने हा भिषण अपघात घडला.
मंदीरासमोर टर्न घेताना त्याने निष्काळजीपणे भरधाव वेगाने कार चालवत रस्त्यावर चालणा-या नागरीकांना धडक दिली. यामध्ये सुरक्षारक्षक गुणाजी लक्ष्मणराव शेवाळे, वय 60 हे गंभीर जखमी होऊन या घटनेत त्यांचा मृत्यू झाला तर चार जण जखमी झाले आहे. जखमी विकास समधाने, वय 50 व मनिषा विकास समधाने, वय 40, यांना एका खाजगी रुग्णालयात दाखल करण्यात आले आहे. रविंद्र भगवंतराव चौबे, वय 65, श्रिकांत प्रभाकर राडेकर, वय 69 यांना चिकलठाणा येथील मिनी घाटीत प्राथमिक उपचारासाठी दाखल करण्यात आले आहे. त्यांचे नातेवाईक अधिक उपचारासाठी अन्य रुग्णालयात हलवत असल्याची माहिती आहे.
