चंद्रशेखर बावनकुळे हे तर पाच हजार कोटींचे मालक : नातलगाने पत्रपरिषदेत दिली माहिती

कसे तुटले तातोडे ?

काळ्या पैशाच्या हिशोबात घोटाळा केल्याचा आरोप आमदार बावनकुळे यांनी सुरज तातोडे यांच्यावर केला. काळ्या व्यवहारातील ३० लाख रुपये दिले नाही, म्हणून त्यांना कामावरून काढून टाकण्यात आले. त्यांच्या नावावर असलेले नागपुरातील ५ फ्लॅट, ४ कार आणि एका कंपनीतील शेअर्स बावनकुळे यांनी जबरदस्तीने आपल्या नावावर केल्याचा आरोपही तातोडे यांनी केला आहे. सततच्या धमक्या आणी टेन्शन यांमुळे तातोडे यांना ब्रेन हॅमरेज झाला. त्यातून ते बचावले मात्र निराश झाले आणि खचून गेले होते. शेवटी ॲड. सतीश उके यांच्याकडे आल्याचे तातोडे यांनी सांगितले.आमदार चंद्रशेखर बावनकुळे यांच्याकडे आजमितीस जवळपास ५ हजार कोटी रुपयांचे काळे धन असल्याचा आरोप ॲड. सतीश उके यांनी आजच्या पत्रकार परिषदेत केला. माजी गृहमंत्री अनिल देशमुख यांच्यावर १०० कोटी रुपये वसूल करण्याचा आरोप करण्यात आला होता. त्याचे ठोस पुरावे नव्हते. त्यांच्यावर गुन्हा दाखल करून खटला सुरू आहे आणि सुरज तातोडे यांनी आमदार बावनकुळेवर थेट आरोप केले आहेत. त्यामुळे आमदार बावनकुळे यांच्यावर गुन्हा दाखल करून त्यांची चौकशी करावी, अशी मागणी ॲड. उके यांनी केली आहे.