नागपूर : अंमलबजावणी संचालनालय (ईडी) पथकाने नागपुरातील ईतवारी आणि मस्कासाथमधील चार सुपारी व्यापाऱ्यांवर गुरुवारी छापे घातले व दस्तावेज ताब्यात घेतले. या कारवाईम महाराष्ट्रासह मध्य भारतातील सुपारी व्यापाऱ्यांमध्ये खळबळ उडाली आहे.दरम्यान कारवाईमुळे नागपुरातील काही सुपारी व्यापाऱ्यांनी शहराबाहेर पळ काढला, अशी माहिती समोर आली आहे.सूत्रांनी दिलेल्या माहितीनुसार, शहरातील सुपारीकिंग छटवाल याला आसाम पोलिसांनी अटक केल्यानंतर नागपुरातील सुपारी व्यापारी प्रकाश गोयल, आसिफ अल्ताफ कलीवाला, वसीम बावला, दिग्विजय ट्रान्सपोर्टचे संचालक हिमांशु भद्रा यांच्यावर गुरुवारी सकाळीच ईडीने छापे घातले. . सर्व व्यापारी विदेशातून नागपुरात सुपारी आयात करतात. यापूर्वीही ते वेगवेगळ्या चौकशी एजंसीच्या रडारवर आलेले आहे. ईडीच्या पथकात मुंबईसह अन्य शहरातील अधिकाऱ्यांचा समावेश आहे. जवळपास ९ तास ईडीचे अधिकारी चौकशी करीत होते.
