वृत्तसंस्था
मनिला – दक्षिण फिलीपीन्समधील बेटांना आज (रविवार) सकाळी जोरदार भूकंपाचा धक्का बसला.
भूगर्भशास्त्र विभागाने दिलेल्या माहितीनुसार, दक्षिण फिलीपीन्समधील मिंडानाओ बेटांना आज सकाळी जोरदार भूकंपाचा धक्का बसला. या भूकंपाची तीव्रता रिश्टर स्केलवर 6.1 इतकी मोजण्यात आली आहे. मिंडानाओ बेटावरील हिनातुआन शहरापासून 12 किमी अंतरावर भूकंपाचा केंद्रबिंदू होता.
या भूकंपानंतर त्सुनामीचा इशारा देण्यात आलेला नाही. भूकंपामुळे अद्याप कोठेही जिवीत किंवा वित्तहानी झाल्याचे वृत्त नाही. भूकंपामुळे नागरिकांमध्ये भीतीचे वातावरण आहे.
