**सामान्य नागरिकांना दिलासा, प्रक्रियेत सुधारणा आणि प्रशासनाच्या कार्यकुशलतेचे उत्कृष्ट उदाहरण**
गोंदिया —-तालुक्यात जनप्रतिनिधी आणि प्रशासनाच्या सक्रियतेमुळे तसेच लोकहिताच्या दृष्टिकोनातून, अवघ्या एक महिन्यापूर्वी राज्य शासनाने घरकुल लाभार्थ्यांना ५ ब्रास मोफत वाळू देण्यासाठी जारी केलेल्या शासन निर्णयानंतर आणि एक आठवडा आधीच झालेल्या व्हिडिओ कॉन्फरन्समध्ये दिलेल्या मार्गदर्शक सूचनांनंतरही, हे काम संपूर्ण महाराष्ट्रात सर्वात आधी आणि सर्वात जलद गोंदिया तालुक्यात प्रत्यक्षात उतरवण्यात आले आहे.
**प्रक्रिया झाली सुलभ**
पूर्वी वाळूच्या रॉयल्टी पास मिळवण्यासाठी ऑनलाईन प्रक्रिया अत्यंत गुंतागुंतीची होती आणि सामान्य नागरिकांसाठी मोठा अडथळा ठरत होती. शेकडो अर्ज प्रलंबित होते आणि लोकांना वाळूसाठी महिने महिने वाट पाहावी लागत होती. ही समस्या लक्षात घेऊन आमदार विनोद अग्रवाल यांनी महसूल मंत्री. चंद्रकांत बावनकुळे आणि वित्त व नियोजन राज्यमंत्री आशीष जयस्वाल यांच्याशी संवाद साधून ही प्रक्रिया सुलभ करून ऑफलाइन रॉयल्टी पास देण्याचा निर्णय घेण्यात आला.
**तीन दिवसांत १६,००० ऑफलाइन परवाने उपलब्ध**
आमदार विनोद अग्रवाल यांच्या प्रयत्नातून केवळ तीन दिवसांत प्रशासनाकडे १६,००० ऑफलाइन परवाने प्राप्त झाले. त्यापैकी प्राधान्यक्रमानुसार ६५० लाभार्थ्यांना पहिल्या टप्प्यात प्रत्येकी २ ब्रास वाळू अशा एकूण १३०० ब्रास वाळूचे पास वितरित करण्यात आले. एकूण प्रत्येकी ५ ब्रास वाळू मिळणार असून त्यामुळे घरकुल निर्माणाच्या कामांना गती मिळणार आहे.
**१२,००० हून अधिक लाभार्थ्यांना मिळणार लाभ**
ही योजना केवळ ६५० लाभार्थ्यांपुरती मर्यादित नसून, एकूण १२,००० पात्र लाभार्थ्यांना याचा लाभ मिळणार आहे. ग्रामीण भागातील अशा नागरिकांसाठी ही योजना मोठा दिलासा देणारी ठरली आहे, जे अनेक वर्षांपासून सरकारी सवलतीत वाळू मिळवण्याची वाट पाहत होते.
### **आरक्षित डेपो – पारदर्शक आणि सुलभ वितरण**
जनहित लक्षात घेऊन तीन डेपो – किन्ही, महलगाव आणि सतोना – हे विशेषतः आरक्षित ठेवण्यात आले आहेत. या डेपोंवरून लाभार्थी स्वतःच्या वाहनांद्वारे ठरवलेली वाळू नेऊ शकतात. प्रशासन त्यांच्या वाहनांमध्ये वाळू भरून देणार आहे, ज्यामुळे वितरण प्रक्रिया पारदर्शक, जलद आणि भ्रष्टाचारमुक्त झाली आहे.
### **विधायक विनोद अग्रवाल यांचा संकल्प**
या उपक्रमाबाबत आमदार विनोद अग्रवाल म्हणाले, “आमचा प्रयत्न आहे की प्रत्येक सामान्य नागरिकाला घर बांधण्यासाठी योग्य दरात आणि कायदेशीर मार्गाने वाळू उपलब्ध व्हावी. कुणीही फक्त प्रक्रियेची गुंतागुंत समजली नाही म्हणून घर बांधण्यापासून वंचित राहू नये.”
ते पुढे म्हणाले की, येणाऱ्या काळात ही प्रक्रिया अधिक सुलभ केली जाईल आणि सरकारी योजनांचा लाभ गरजूंना वेळेत मिळेल.
**”योजना केवळ कागदावर नाही, तर जमिनीवर उतरवून दाखवली – विधायक अग्रवाल यांची जनसेवेची नवी दिशा!”
या उपक्रमामुळे केवळ घरकुल निर्माणास चालना मिळणार नाही, तर वाळू माफियांवरही अंकुश बसेल.
**कार्यक्रमास मान्यवरांची उपस्थिती**
पंचायत समिती सभागृहात आयोजित या कार्यक्रमास आमदार विनोद अग्रवाल, जिल्हाधिकारी प्रजीत नायर, मुख्य कार्यकारी अधिकारी जिल्हा परिषद मुरुगनाथम, पंचायत समिती सभापती मुनेश रहांगडाले, तहसीलदार शमशेर पठाण, खंडविकास अधिकारी पिंगळे, अपर तहसीलदार श्रीकांत कांबळे, तालुका कृषी अधिकारी नेहा आढव, पंचायत समिती सदस्य विद्याकला पटले, शंकर टेंभरे, राजेश जमरे, छत्रपाल तुरकर, तेढवा सरपंच कौशल तुरकर, गृहनिर्माण विभाग प्रमुख सूर्या पाचे, APO बिसेन इत्यादी मान्यवर उपस्थित होते.
