भंडारा : भंडाºयाचा राजा प्रतिष्ठा तर्फे दरवर्षी देण्यात येणारा जिल्हा भुषण हा मानाचा पुरस्कार तुमसर तालुक्यातील ७० वर्षीय गुलात गौस मो़इस्माईल यांना भंडारा लोकसभा क्षेत्राचे खासदार यांच्या हस्ते बहाल करण्यात आला़. सामाजिक बांधिलकी जोपासत असतांना अनेक प्रतिभावंत प्रसिध्दीपासून दुर असतात, मात्र त्याचे कार्य समाजासाठी प्रेरणादायी ठरतात अशा प्रतिभावंताना भंडाराचा राजा या प्रतिष्ठानातर्फे ११ हजार रोख सन्मान पत्र, स्मृती चिन्ह देवून गौरविण्यात येतो़ यावर्षी हा पुरस्कार एका मुस्लीम धर्मिय समाज सेवकाला देवून जिल्ह्यात मानवतेचा परिचय दिला आहे़. याप्रसंगी अध्यक्ष पदावरुन बोलतांना खा़नाना पटोले यांनी भंडाराचा राजा या प्रतिष्ठानाची तोंड भरुन कौतूक केले़. बोलतांना ते म्हणाले भंडारा जिल्हा म्हणजे रत्नाची खान आहे़ गुलाम गौस सारख्या प्रतिभावंत समाजसेवाकाला या पुरस्काराने सन्मानित करुन या या प्रतिष्ठानाने जात धर्माच्या पलिकडे जाऊन मानवतेच्या परिचय करुन दिला आहे़. भंडारा जिल्ह्याला अजूनही मागासलेल्या जिल्हा संबोधला जाते़ आपल्या जिल्ह्यावर मागासलेपणाचा ठपका आहे़ मागासले पणातून घडलेला खैर लांजीचा कलंक अजूनही पुसल्या गेला नाही. तो कलंक पुसला जाऊ शकतो यासाठी सामाजिक स्तरातील काम करणाºया सर्व लोकांकडून मागासले पणाचा हा कलंक पुसून काढण्याचा काम या मंडळाकडून होत आहे असेही ते अध्यक्षीय भाषणात म्हणाले. यावेळी व्यासपीठावर आमदार रामचंद्र अवसरे नगराध्यक्ष बाबुराव बागडे, सुनिल मेंढे, भरत खंडाईत, विकास मदनकर, प्रतिष्ठानाचे अध्यक्ष दिलीप बागडे, मंगेश वंजारी मंडळाचे पदाधिकारी व सदस्य तथा शहरातील गणमान्य व्यक्ती व पत्रकार उपस्थित होते़
