गोंदिया : उमाबाई बहुउद्देशीय शिक्षण संस्थेद्वारे संचालित प्रोग्रेसिव्ह शाळेमध्ये मोठय़ा उत्साहात आजी-आजोबा दिवस साजरा करण्यात आला. प्रोग्रेसिव्ह शाळेत शिकत असलेल्या विद्यार्थी-विद्यार्थिनींच्या आजी-आजोबांना सादर आमंत्रित करण्यात आले होते.ज्यात आजी-आजोबांची उपस्थिती उल्लेखनीय होती. उपस्थित पाहुण्यांचे स्वागतगीतांनी स्वागत करण्यात आले.या वेळी उपस्थित सर्व आजी-आजोबा यांना शाल व श्रीफळ देऊन सन्मानित करण्यात आले. या वेळी आजी-आजोबांनी आपले अनुभव आणि विचार व्यक्त करून विद्यार्थ्यांना मार्गदर्शन केले. कार्यक्रमात विद्यार्थ्यांचे वेगवेगळे कार्यक्रम आयोजित केले गेले. विद्यार्थ्यांनी सादर केलेल्या ‘नाना तेरी मोरणी को चोर ले गये’ या गीतांद्वारे उपस्थितांचे मन जिंकून घेतले.कार्यक्रमाची रुपरेखा पंकज कटकवार यांच्या मार्गदर्शनात तयार करण्यात आली. कार्यक्रमासाठी प्राचार्य ओ.टी. रहांगडाले, कुमुदिनी तावाडे, वाय.आशा राव, अभय गुरव, वीणा कावळे, कृष्ण चव्हाण, निधी व्यास, विलास नागदेवे, प्रमोद वाडी, वर्षा सतदेवे, सुषमा वर्षीकर, तोमेश पारधी, रूपकला रहांगडाले, सुरेखा बघेल, लीना ठाकरे, पट्रीसीया जॉर्डन व सर्व अध्यापकांनी सहकार्य केले. संचालन देवेंद्र राऊत यांनी केले. आभार महेंद्र हरिणखेडे यांनी मानले.
