तिरोडा : स्थानिक तहसील कार्यालय येथे संजय गांधी निराधार योजनेच्या आढावा बैठकीमध्ये आ. विजय रहांगडाले यांनी तालुक्यातील संजय गांधी निराधार योजना व श्रावण बाळ योजनांचा आढावा घेतला. राष्ट्रीय कुटुंब अर्थसहाय्य योजनेंतर्गत लाभार्थ्यांना धनादेश वाटप करण्यात आले. या वेळी संजय गांधी निराधार योजनेचे अध्यक्ष उमाकांत हारोडे तसेच सदस्य भाऊराव कठाणे, मनोहर बुद्धे, उत्तम कुकडे, दिनेश पटले, राजू भांडारकर, उपविभागीय अधिकरी सुनील सूर्यवंशी, तहसीलदार रविंद्र चव्हाण, गटविकास अधिकारी मानकर, तालुका कृषी अधिकारी पोटदुखे, नायब तहसीलदार सतिश मासाळ, कुंभरे उपस्थित होते.
