चंद्रपूर,दि.23 : काँग्रेसच्या संघटनात्मक निवडणुकीसाठी आलेल्या निरीक्षकांपुढेच २ गटात तुंबळ हाणामारीचा प्रकार आज शनिवारला चंद्रपुरात घडला. माजी खासदार नरेश पुगलिया आणि आमदार विजय वडेट्टीवार गटांचे कार्यकर्ते एकमेकांना भिडले आणि गोंधऴ माजला.शहरातील बायपास मार्गावरील इंटक भवनात ही घटना घडली. या गोंधळात सभागृहाच्या काचा फोडल्या, जिल्ह्यातील कुख्यात गुंडांचा सभागृहात वावर असल्याचाही आऱोप करण्यात आला.या गोंधळावेळी झेंड्यांच्या दांड्याचा मारामारीसाठी वापर, लोकशाही मार्गाने निवडणूक होऊ देण्याचा पुगलिया गटाचा आग्रह होता तर आमदार वडेट्टीवार गटाने निवडणूक निरीक्षकांना मोकळीक दिली नसल्याचा आरोप करत हा गोंधळ घालण्यात आला.
