मुंबई,दि.19ः- महाराष्ट्रातील आगामी विधानपरिषद निवडणुकांसाठी भाजपने आपली यादी जाहीर केली आहे. काँग्रेसने या निवडणुकीसाठी कोल्हापुरातून सतेज पाटील यांना उमेदवारी जाहीर केल्यानंतर बाकीचे पक्ष कोणाला संधी देतात याकडे सर्वांचं लक्ष होते. भाजपने आज आपल्या उमेदवारांची यादी जाहीर केली आहे.
याव्यतिरीक्त कोल्हापूरात सतेज पाटलांविरुद्ध पारंपरिक प्रतिस्पर्धी अमल महाडीक, धुळ्यावरुन अमरीश पटेल, अकोल्यासह बुलढाणा आणि वाशिम मधून वसंत खंडेलवाल तर मुंबईतून राजहंस सिंह यांना उमेदवारी देण्यात आली आहे. आगामी मुंबई महापालिकेच्या निवडणुकीचा विचार करुन उत्तर भारतीय मतांचा विचार करुन मुंबईतून राजहंस सिंह यांना संधी देण्यात आल्याचे बोलले जाते.
विधान परिषदेच्या ५ स्थानिक प्राधिकारी मतदारसंघातून निवडून आलेल्या ६ सदस्यांपैकी रामदास गंगाराम कदम आणि अशोक अर्जुनराव उर्फ भाई जगताप यांच्या सदस्य पदाचा कार्यकाळ १ जानेवारी २०२२ रोजी संपत आहे.
