मुंबई : मुंबई विद्यापीठाच्या दूर व मुक्त अध्ययन संस्थेच्या जुलै सत्राच्या विविध अभ्यासक्रमाचे प्रवेश आजपासून (२५ जून,२०२२) सुरु होत असून हे प्रवेश ३० जुलै, २०२२ पर्यंत असतील .मागील वर्षी कोविडची साथ असतानाही आयडॉलमध्ये २१ अभ्यासक्रमामध्ये ६४ हजार विद्यार्थ्यांनी प्रवेश घेतला होता. आयडॉलमध्ये यूजीसीच्या निर्देशानुसार सीबीसीएस सत्र पद्धत सुरु करण्यात करण्यात आलेली आहे.
पदवीस्तरावरील प्रथम वर्ष बीए, बीकॉम, बीकॉम अकाउंट्स अँन्ड फायनान्स, बीएस्सी आयटी,बीएस्सी कॉम्प्युटर सायन्स हे अभ्यासक्रम व पदव्युत्तर स्तरावरील प्रथम वर्ष एमए ( इतिहास, अर्थशास्त्र, समाजशास्त्र, राज्यशास्त्र, भूगोल, मराठी,हिंदी, इंग्रजी), एमए शिक्षणशास्त्र, एमकॉम, एमएस्सी गणित, एमएस्सी आयटी, एमएस्सी कॉम्पुटर सायन्स व पदव्युत्तर [पदविका पीजी डीएफएम या अभ्यासक्रमाचे प्रवेश आजपासून सुरू होत असून प्रवेश अर्ज भरण्याची शेवटची तारीख ३० जुलै, २०२२ पर्यंत आहे. हे प्रवेश ऑनलाईन असून, विद्यार्थ्यांनी विद्यापीठाच्या https://old.mu.ac.in/distance-open-learning/ या संकेतस्थळाला भेट द्यावी.
बी.ए मानसशास्त्र विषय सुरु
बी.ए मध्ये मानसशास्त्र विषयाला विद्यार्थ्यांची मोठ्या प्रमाणात मागणी आहे. अनेक महाविद्यालयात तृतीय वर्षी बी. ए. मध्ये मानसशास्त्राचेसहा पेपर उपलब्ध नसल्याने विदयार्थी मानसशास्त्रापासून वंचित राहतात. यावर्षीपासून आयडॉल मध्ये मानसशास्त्राचे सहा पेपर सुरु करण्यात येत आहे.
एआयसीटीई ने आयडॉलला एमएमएस-एमबीए व एमसीए या अभ्यासक्रमाला दूरस्थ माध्यमातून सुरू करण्यास परवानगी दिली आहे.यानुसार एमएमएस-एमबीए व एमसीए या अभ्यासक्रमासाठी आयडॉल लवकरच प्रवेश परीक्षा घेणार आहे. एआयसीटीईने आयडॉलला एमएमएस-एमबीए साठी ७२० जागा तर एमसीएसाठी २००० जागांना मान्यता दिली आहे. याला यूजीसीची मान्यता मिळाल्यानंतर त्याची प्रवेश परीक्षा घेण्यात येईल.
विभागीय उपकेंद्रावर मार्गदर्शन व अध्ययन साहित्य वितरण
आयडॉलचे चर्चगेट, ठाणे, कल्याण, रत्नागिरी व सावंतवाडी येथे विभागीय केंद्रे असून याठिकाणी प्रवेशासंबंधी मार्गदर्शन व अध्ययन साहित्याचे वितरण होणार आहे.पालघर येथेही लवकरच
विभागीय केंद्र सुरू होणार आहे.
“बारावी उत्तीर्ण झालेल्या पण ज्यांना नियमित महाविद्यालयामध्ये प्रवेश मिळाला नाही व ज्यांना उच्च शिक्षण घेण्याची इच्छा असणाऱ्या अनेक विद्यार्थ्यांना आयडॉलने शिक्षणाची एक संधी उपलब्ध करून दिली आहे.”
– डॉ. प्रकाश महानवर, संचालक, आयडॉल
