ठाणे -ठाण्यातील ओवळा-माजिवडा मतदारसंघातील शिवसेना आमदार प्रताप सरनाईक यांना रवी पुजारी टोळीकडून धमकीचे फोन येत असून याबाबत त्यांनी ठाणे शहर पोलीस आयुक्तांकडे लेखा तक्रार केली आहे.
प्रताप सरनाईक हे बांधकाम व्यावसायीक म्हणूनही परिचित असून त्यांना व त्यांच्या कुटुंबीयांना गेल्या १० दिवसांपासून सतत धमकीचे फोन येत असल्याचे त्यांनी तक्रारीत नमूद केले आहे. सरनाईक यांच्या कार्यालयातील लॅन्डलाइनवर हे फोन येत असून त्यांनी या फोन कॉल्सचे रेकॉर्डही पोलिसांना दिले आहे. त्यानुसार पोलिसांनी तपास सूरू केला आहे.
दरम्यान, ठाण्यातीलच शिवसेनेच आमदार आणि राज्याचे सार्वजनिक बांधकाम मंत्री एकनाथ शिदे यांनाही अशाच प्रकारे धमकीचे फोन आले होते. नागपूरमधील हिवाळी अधिवेशनादरम्यान शिंदेंना परदेशातून धमकी देण्यात आली होती.
