बारावीसाठी १४ फेब्रुवारीपासून तर दहावीसाठी २२ फेब्रुवारीपासून सुरु होणार
गोंदिया, दि.14 : उच्च माध्यमिक प्रमाणपत्र (इ. १२वी) आणि माध्यमिक शालांत प्रमाणपत्र (इ. १०वी) लेखी परीक्षा देणाऱ्या विद्यार्थ्यांसाठी महाराष्ट्र राज्य माध्यमिक व उच्च माध्यमिक शिक्षण मंडळाचे नागपूर विभाग व जिल्हास्तरावर समुपदेशन केंद्र व हेल्पलाईन सुरु होणार आहेत. बारावीसाठी समुपदेशन केंद्र व हेल्पलाईन १४ फेब्रुवारी पासून सुरु झाली आहेत. तर दहावीसाठी २२ फेब्रुवारी पासून सुरु होणार आहेत.
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने इयत्ता बारावीची लेखी परीक्षा २१ फेब्रुवारी ते २३ मार्च २०२४ दरम्यान होणार आहे. तर इयत्ता दहावीची लेखी परीक्षा १ मार्च ते २६ मार्च २०२४ दरम्यान होणार आहे. या परीक्षांसाठी प्रविष्ट होणाऱ्या विद्यार्थ्यांकरिता परीक्षा वेळापत्रक, प्रवेशपत्र, विषय बदल, प्रात्यक्षिक परीक्षा व परिक्षेसंबंधी गोपनीय माहिती वगळून अन्य माहिती मिळविण्याकरिता नागपूर विभागीय मंडळाद्वारे या दोन्ही परिक्षांच्या कालावधी दरम्यान विभागीय व जिल्हास्तरावर सकाळी ८ ते सायंकाळी ८ वाजेपर्यंत ‘समुपदेशन केंद्र’ आणि ‘हेल्पलाईन’ची सुविधा उपलब्ध करुन देण्यात येणार असल्याचे, विभागीय सचिव चिंतामन वंजारी यांनी पत्राद्वारे कळविले आहे.
विभागीय मंडळाच्या कार्यकक्षेतील भंडारा, चंद्रपूर, नागपूर, वर्धा, गोंदिया आणि गडचिरोली जिल्ह्यातील विद्यार्थी व पालकांसाठी विभागस्तरावर बारावीच्या परिक्षेसाठी संपर्क अधिकारी एस. एस. बुधे (मो.क्र. 9404339992), डी. बी. पाटील, ए. बी. शेंडे आणि दहावीच्या परिक्षेकरिता संपर्क अधिकारी व्ही. आर. देशमुख (मो.क्र. 8830458109), पी. ए. कन्नमवार आणि एस. आर. अहीर यांच्याशी संपर्क साधता येणार आहे. तसेच विभागीय मंडळ कार्यालयाचे दूरध्वनी क्रमांक 0712-2553507 आणि 0712-2553503 यावर सुध्दा माहिती प्राप्त करता येणार आहे.
जिल्हास्तरावरील समुपदेशन केंद्र व हेल्पलाईनशी संबंधित संपर्क अधिकाऱ्यांची नावे पुढील प्रमाणे. नागपूर जिल्ह्याकरिता विशाल गोस्वामी (शारदा महिला विद्यालय, ओमनगर नागपूर मो.क्र. 8275039252) आणि प्रतिमा मोरे (बालाजी हायस्कूल, हिंगणा रोड नागपूर मो.क्र.9028066633), वर्धा जिल्ह्यासाठी पी.के. शेकार (यशवंत विद्यालय, सेलू, ता.सेलू, जि.वर्धा मो.क्र.9766917338) आणि वि.दा.पाटील (इंदिरा हायस्कूल सायलीकला, ता. सेलू, जि.वर्धा, मो.क्र.9823438205), भंडारा जिल्ह्याकरिता गायत्री भुसारी (समर्थ विद्यालय, लाखनी, जि.भंडारा मो.क्र. 9011062355) आणि नरेंद्र चौधरी (जिल्हा शिक्षण व प्रशिक्षण संस्था, ता.जि.भंडारा, मो.क्र. 9405517541), गोंदिया जिल्ह्यासाठी मिलींद रंगारी (जिल्हा शिक्षण व प्रशिक्षण संस्था, ता.जि.गोंदिया, मो.क्र. 9404860735) आणि एल. एच. लांजेवार (श्री. गुरुदेव विद्यामंदिर, ता. देवरी, जि.गोंदिया मो.क्र. 7507099136), चंद्रपूर जिल्ह्याकरिता सतीश पाटील (मातोश्री विद्यालय, तुकूम, जि. चंद्रपूर मो.क्र 9421914353) आणि आर. एन. रहाटे (मातोश्री विद्यालय, तुकूम, जि. चंद्रपूर मो.क्र 7588890187) आणि गडचिरोली जिल्ह्यासाठी डी. एम. जवंजाळ (रेणुकाबाई उके हायस्कूल, शिवराजपूर, ता.देसाईगंज, जि. गडचिरोली मो.क्र. 9421817089) तसेच ए. एल. नुतिलकंठावार (लक्ष्मीबाई कन्या हायस्कूल, ता. कुरखेडा, जि.गडचिरोली मो.क्र. 9421732956) आहेत. संबंधीत जिल्ह्यातील विद्यार्थ्यांनी व पालकांनी आवश्यकतेनुसार या समुपदेशन केंद्रांची व हेल्पलाईनची सुविधा घ्यावी, असे नागपूर विभागीय मंडळाकडून कळविण्यात आले आहे.
